Qūmar oiyn naryǧy jyljymaityn mülık naryǧynan ekı ese asyp tüstı. 350 myŋnan astam qazaqstandyq azamat osyndai oiyndarǧa täueldı. Ludomaniiaǧa qarsy ıs-qimyl jürgızudıŋ ädıs-täsılı men bukmekerlık keŋselerdıŋ qyzmetın retteu mäselelerı bügın Mäjılıstegı «AMANAT» fraksiiasynyŋ keŋeitılgen jiynynda talqylandy.
Söz basynda Mäjılıs Spikerı, «AMANAT» Töraǧasy Erlan Qoşanov ludomaniia adam taǧdyryna balta şabatyn qauıptı qūbylysqa ainalyp bara jatqanyn atap öttı. Osyǧan bailanysty, partiia oiyn biznesı, bukmekerlık keŋseler men lotereia qyzmetterı boiynşa zaŋ jobasyn daiyndauǧa bastamaşy boldy.
«Qazırgı taŋda Qazaqstanda oiynqūmarlyq ındettei örşıp, ūlttyq qauıpsızdıkke qater töndıre bastady. Ludomaniia – HHI ǧasyrdyŋ dertı. Milliondaǧan adam qūmar oiyndardan zardap şegedı. Bügınde bäs tıgu mektep qabyrǧasynan bastalyp jatyr. Barlyq oiyn onlain, jūrtşylyqqa oŋai qoljetımdı. Sondyqtan Memleket basşysy būl taqyrypty Qauıpsızdık Keŋesınıŋ otyrysynda köterıp, qūmar oiyndardy şekteuge qatysty mındet qoidy. Endı deputattar mūny zaŋ jüzınde bekıtuı kerek», – dedı ol.
Öz kezegınde, Turizm jäne sport ministrı Ermek Marjyqpaev tüsındıru jūmysynyŋ nätijesınde 2021 jyldan berı 17 bukmekerlık keŋse öz erkımen lisenziiasyn qaitarǧanyn, al oiyn biznesı subektılerınıŋ sany 2 esege, 71-den 28-ge deiın qysqarǧanyn mälımdedı.
«Biyl internet-kazinolardyŋ qyzmetı men jarnamasyn şekteu maqsatynda «Kibernadzor» aqparattyq jüiesı arqyly 7 myŋǧa juyq internet-resurs pen zaŋsyz materialdardyŋ sıltemesı būǧattaldy. Bügınde el aumaǧynda oiyn biznesımen ainalysuǧa rūqsat etetın 28 lisenziia berılgen. Onyŋ ışınde, 5 kazino, 8 oiyn avtomattary zaly, 13 bukmekerlık keŋse jäne 2 totalizator bar», – dedı ministr.
Jiyn barysynda deputattar memlekettık organdardyŋ ludomaniiamen jäne zaŋsyz oiyn biznesımen küres jönındegı jūmysyn synǧa aldy. Mäselen, qūmar oiynnyŋ kesırınen 10 erlı-zaiyptynyŋ 7-euı ajyrasyp jatyr. Byltyr Qazaqstanda 3676 adam öz-özıne qol jūmsaǧan,
«Ükımet oiyn biznesın ūiymdastyruşylar men olardyŋ lobbisterıne qatysty qandai da bır naqty şeşım qabyldap jatqanyn körmei otyrmyz. Bukmekerlık keŋseler internettegı jäne BAQ-taǧy jarnamaǧa milliardtaǧan teŋge qarajat qūiady. Äleumettık jelı bukmekerlık keŋselerdıŋ jarnamasyna toly. Odan qalsa, qoǧam belsendılerı men pıkır köşbasşylary būl salany damytuǧa daiyn. Sondyqtan «AMANAT» partiiasy bastamaşylyq etken zaŋ jobasyn barynşa tezırek qabyldauymyz kerek», – dedı deputat Edıl Jaŋbyrşin.
Būdan soŋ, «AMANAT» fraksiiasynyŋ jetekşısı Elnūr Beisenbaev deputattarǧa jaŋa zaŋ jobasynyŋ asa maŋyzdy normalary turaly aqparat berdı. 2 kodekske jäne 7 zaŋǧa 50-den astam tüzetuler daiyndaldy.
Atap aitqanda, aliment, salyq jäne nesie boiynşa boryşkerler tızılımınde tūrǧan jeke tūlǧalardyŋ qūmar oiyn oinauyna tyiym salu ūsynylady. Zaŋdy tūlǧalar rūqsat etılgen jasqa tolmaǧan adamdardy qūmar oiynǧa tartqany üşın äkımşılık jauapkerşılıkke, sondai-aq onlain-kazino ūiymdastyrǧany üşın qylmystyq jazaǧa tartylady. Köşelerde, internette jäne būqaralyq aqparat qūraldarynda bukmekerlık keŋseler men totalizatorlardyŋ jarnamasy şekteledı.
Sonymen qatar, lotomatikalyq maşinalardy elge äkeluge jäne tūrǧyn üilerde, dükenderde, medisinalyq jäne bılım beru mekemelerınde ornatuǧa tyiym salu ūsynylady. Qūmar oiyn oinauǧa bolatyn jas şegı 25 jasqa deiın artady. Oiyn biznesın ūiymdastyruşylar öz aqparattyq-qarjylyq jüielerın memlekettık kırıster organdarynyŋ apparattyq keşenımen bırıktıruı kerek. Osylaişa, memleket barlyq qarjylyq operasiiany baqylap otyrady.
Fraksiia jiynyn qorytyndylai kele, Mäjılıs Spikerı Erlan Qoşanov zaŋ jobasyn jūrtşylyqpen jäne müddelı memlekettık qūrylymdarmen keŋınen talqylau qajet ekenın eskere otyryp, ony tezırek qabyldaudyŋ maŋyzyn atap öttı. Negızgı maqsat – azamattardy oiynǧa täueldılıkten jäne otbasylardy onyŋ terıs saldarynan qorǧau.
«AMANAT» fraksiiasynyŋ deputattary ūsynylǧan zaŋ jobasyn bırauyzdan qoldady.
