Ekologiia salasyndaǧy jauapkerşılıktı küşeitu jäne qorşaǧan ortany qorǧau normalaryn Konstitusiialyq deŋgeide bekıtu qajettıgın Qyzylorda oblysynyŋ äkımı Nūrlybek Nälıbaev Konstitusiialyq reforma jönındegı komissiianyŋ toǧyzynşy otyrysynda köterdı.
Komissiia otyrysynda ol ekologiialyq normalardyŋ öŋırler üşın, sonyŋ ışınde ekologiialyq ahualy kürdelı Aral maŋy aimaqtary üşın erekşe maŋyzǧa ie ekenın aitty. Oblys äkımınıŋ pıkırınşe, teŋızdıŋ tartyluy qorşaǧan ortaǧa ǧana emes, aimaq halqynyŋ ömır sapasyna, densaulyǧyna jäne äleumettık jaǧdaiyna da tıkelei äser etıp otyr.
«Aral teŋızınıŋ taǧdyry – bükıl adamzat üşın auyr sabaq. Onyŋ saldaryn bız älı künge deiın sezınıp kelemız. Sondyqtan memlekettıŋ qolaily qorşaǧan ortany qamtamasyz etu mındetın, azamattardyŋ ekologiialyq qauıpsızdıkke qatysty qūqyqtaryn Konstitusiialyq deŋgeide bekıtu – uaqyt talaby», – dedı Nūrlybek Nälıbaev.
Onyŋ aituynşa, jaŋa Konstitusiia jobasynda ekologiialyq aqparattyŋ aşyqtyǧyn qamtamasyz etuge jäne qorşaǧan ortaǧa ziian keltırgenı üşın jauapkerşılıktı arttyruǧa baǧyttalǧan normalar qarastyrylǧan. Būl özgerıster ekologiia salasyndaǧy memlekettık baqylaudy küşeitıp, öŋırlerde aldyn alu şaralaryn tiımdı ıske asyruǧa mümkındık beredı.
Sonymen qatar, Nūrlybek Nälıbaev jaŋa Konstitusiia jobasy memlekettıŋ äleumettık baǧyttaǧy rölın arttyruǧa arnalǧanyn atap öttı. Qūjat äleumettık teŋsızdıktı qysqartuǧa, auyldyq aumaqtardy qoldauǧa, jūmyspen qamtudy keŋeituge jäne infraqūrylymdy jüielı türde damytuǧa qūqyqtyq negız qalyptastyrady.
Onyŋ sözınşe, bılım beru salasyn strategiialyq basymdyq retınde bekıtu – adami kapitaldy damytudyŋ basty tetıgı. Būl jastardy sūranysqa ie mamandyqtarǧa daiarlauǧa jäne olardyŋ äleuetın tuǧan öŋırlerınde jüzege asyruyna jaǧdai jasauǧa baǧyttalǧan.
«Elımızde adami kapitaldy damytu üşın bılım berudı strategiialyq basymdyq retınde bekıtedı. Bız jastardyŋ bolaşaǧyna investisiia saludy, sūranysqa ie mamandardy daiarlaudy, jas azamattardyŋ öz äleuetın tuǧan jerınde ıske asyryp, bolaşaǧyn tuǧan elmen bailanystyruyna jaǧdai jasaudy tolyq qoldaimyz», - dep atap öttı oblys äkımı.
Sondai-aq, baiandamasynda Nūrlybek Nälıbaev jaŋa Konstitusiia jobasy memlekettık basqarudyŋ tiımdılıgın arttyruǧa, ökılettıkter men jauapkerşılıktı naqty ajyratuǧa jäne bilık organdarynyŋ halyq aldyndaǧy jauapkerşılıgın küşeituge baǧyttalǧanyn aitty.
