«AMANAT»-tyŋ Atqaruşy hatşysy Elnūr Beisenbaev partiianyŋ Respublikalyq qoǧamdyq qabyldau bölmesınde azamattardy qabyldady. Kezdesude Aqmola oblysyna qarasty Selinograd audanynyŋ tūrǧyndaryn tolǧandyrǧan tüiındı mäseleler talqylandy.
Qabyldauǧa kelgen azamattardyŋ qatarynda audandyq mäslihattyŋ deputattary, belsendı azamattar boldy. Sonymen qatar, qūzyrly organdardyŋ ökılderı jiynǧa onlain rejimde qatysty.
«Elımızde auruhanasy joq jalǧyz audan – Selinograd. Äzırge stasionarlyq emhanany ǧana qanaǧat tūtyp otyrmyz. Tūrǧyndarǧa şamemen 250 tösek-oryndyq auruhana qajet. Audan äkımdıgı oǧan arnap 7 gektar jer böldı. Alaida auruhana tūrǧyzu jūmysy osy jer bölumen ǧana şektelıp qaldy», – dedı Selinograd audanynyŋ mäslihat deputaty Dinara Äbdırahmanova.
Sonymen qatar, halyq qalaulysy auruhanadan bölek, mäiıthana salu, sot-medisinalyq saraptama jürgızetın oryn aşu jūmysy da kezek küttırmeitın mäsele ekenın atap öttı.
«Selinograd audanyna qarasty auyldyŋ bırı – Qaraötkel. Elordanyŋ ırgesınde ornalasqan auyl tūrǧyndary Astanadaǧy №12 emhanaǧa bekıtılgen edı. Alaida bır jarym jyldan berı auyldaǧy mektep medisinasynyŋ mäselesı şeşılmei keledı. Iаǧni, oquşylar bız aityp ötken emhanaǧa bekıtılgen joq. Sonyŋ saldarynan, 1430 balaǧa josparly ekpe egılmei jatyr», – dep dabyl qaqty deputat.
Öz kezegınde, Aqmola oblysynyŋ densaulyq saqtau basqarmasynyŋ basşysy Nūrlan Ahilbekovauyldyŋ barlyq tūrǧyny biyl qaŋtarda basqarma qaulysyna säikes №12 emhanaǧa bekıtuge berılgenın atap öttı. Sonyŋ ışınde mektep medisinasy da bar. Alaida Astana qalasynyŋ densaulyq saqtau basqarmasy tiıstı qūjatqa qol qoimaǧandyqtan, ekpe jūmysy ekı ortada qalyp otyr.
Al audandaǧy auruhana tapşylyǧy mäselesın Aqmola oblysy äkımınıŋ bırınşı orynbasary Malǧajdar Tätkeev bylai dep tüsındırdı:
«Audan äkımdıgı auruhana saluǧa arnalǧan jer uchaskesın böldı. Bügınde tehnikalyq-ekonomikalyq negızdeme äzırlenude. Soǧan qaramastan, auruhana saluǧa qajet qarajat älı qarastyrylǧan joq», – dedı oblys äkımınıŋ bırınşı orynbasary.
Öz kezegınde, «AMANAT»-tyŋ Atqaruşy hatşysy partiia būl mäselenı baqylauda ūstaitynyn jäne amanattyqtar auruhana tūrǧyzuǧa, tūrǧyndardyŋ ömır süru jaǧdaiyn jaqsartuǧa müddelı ekenın atap öttı. Alaida audan halqyn tolǧandyrǧan mäsele mūnymen şektelgen joq.
«Bügınde Selinograd audanyna qarasty Talapker jäne Qaraötkel auyldarynyŋ ǧana qatty tūrmystyq qaldyqtary şyǧarylady. Audannyŋ özge auldaryndaǧy tūrmystyq qaldyqtardy eşkım alyp ketpeidı. Audan aumaǧynda qoqys tögetın poligon, qatty tūrmystyq
qaldyqtardy jinaityn, sūryptaityn oryn qajet», – D.Äbdırahmanova.
Halyq qalaulysynyŋ aituynşa, Selinograd audanyndaǧy endı bır özektı mäsele – elektr jelılerı. Bügınde audan aumaǧyndaǧy elektr jelılerınıŋ basym köpşılıgı jergılıktı atqaruşy organnyŋ teŋgerımınde tūr. Alaida äkımdık atalǧan jeldılerge özbetınşe qyzmet körsetuge qauqarsyz. Būǧan qosa, iesız jelıler de bar. Qazırgı taŋda onyŋ bärın elektr jelılerıne qyzmet körsetetın «AREK» AQ kompaniiasyna beru mäselesı köterelıp jatyr. Alaida qandai da bır naqty şeşım qabyldanbai otyr. Sonyŋ saldarynan halyq qiyndyq körude.
Respublikalyq qoǧamdyq qabyldau alaŋynda qaralǧan taǧy bır mäsele – jer dauy. Osyndan üş jylǧa juyq uaqyt būryn erlı-zaiypty Nūrǧali Köpbosynov pen Mänşük Syzdyqova Türkıstan qalasyndaǧy jer uchaskesınen aiyrylyp qaldy. Olardyŋ senımıne kırgen Ǧ.Ospanov esımdı azamat senımhat jazdyryp alyp, atalǧan jer uchaskesın memlekettıŋ mūqtajy üşın Türkıstan qalasynyŋ äkımdıgıne qomaqty qarajatqa satyp jıberıptı. Bırneşe jylǧa sozylǧan dauly mäselenıŋ künı bügınge deiın nüktesı qoiylǧan joq. Osy künı jer uchaskesı erlı-zaiyptylardyŋ atynda. Alaida, onda qalalyq äkımdık bastap ketken qūrylys jūmysy jürıp jatyr. Elnūr Beisenbaev onlain rejimde äkımdıktegı jauapty tūlǧalarmen äŋgımelesıp, juyq arada mälenıŋ oŋ şeşımın tabu qajet ekenın atap öttı. Is barsyn Atqaruşy hatşy öz baqylauyna aldy.
Sondai-aq, qabyldau bölımıne «Temekı tütınınen azat Qazaqstan üşın» ūlttyq koalisiiasynyŋ köşbasşysy Jämila Sadyqova kelıp, elektrondy şylymnyŋ otandastarymyzdyŋ, sonyŋ ışınde jas ūrpaqtyŋ densaulyǧyna qanşalyqty qauıptı ekenın atap öttı. Koalisiia köşbasşysy temekı önımınıŋ būl türın şekaradan kırgızuge zaŋ jüzınde tiym salu qajet ekenın jetkızdı. Elnūr Beisenbaev atalǧan mäsele Mäjılıs qabyrǧasynda köterılıp jatqanyn jäne deputattar tarapynan tiıstı jūmys jürgızıletının mälımdedı.
«Bügın köterılgen barlyq mäselenı jeke baqylauymda ūstaimyn. Jobalau-smetalyq qūjattama daiyn bolǧan kezde respublikalyq biudjetten audandyq auruhananyŋ qūrylysyna qajet qarajat böludı qolǧa alamyz. Balalarǧa ekpe jasau mäselesı de köp keşıkpei öz şeşımın tabady. Al tūrmystyq qatty qaldyqtar poligonyn aşu mäselesı boiynşa Astana aglomerasiiasyna tüzetu engızuge atsalysamyz. Audanǧa qarasty barlyq eldı mekende qatty tūrmystyq qaldyqtardy jinauǧa bolatyn rezervtık aumaqtar qarastyrylady», – dep tüiındedı Elnūr Beisenbaev.
