Elordadaǵy EKSPO aýmaǵynda «AMANAT»partııasynyń uıymdastyrýymen QR Memlekettik rámizderiniń 30 jyldyǵyna arnalǵan «Meniń Elim» atty merekelik konert ótti. Oǵan 20 myńnan astam kórermen qatysty, dep habarlaıdy “Adyrna” ulttyq portaly.
Elordalyqtar men qala qonaqtarynyń aldynda qazaq estradasynyń tanymal juldyzdarymen qatar jas ánshiler de óner kórsetti.
Olardyń qatarynda - Roza Rymbaeva, Ulyqpan Joldasov, «Jigitter» toby, Aıqyn, Raim, Qýandyq Raqym, AYREE, Argonıa, Mansur jáne Qobylandy, «Alashuly» toby, Dana Kentaı, Farıda Joldasova, Zarına Omarova, Prince, Sadraddın, 2RAR, AKHA bar.
Ónerpazdardyń úzilisi kezde «AMANAT»respýblıkalyq partııalyq shtabynyń músheleri qazaqstandyqtardy merekemen quttyqtap, osy jeksenbide ótetin Konstıtýııaǵa ózgerister men tolyqtyrýlar engizý jónindegi jalpyulttyq referendýmǵa qatysýǵa shaqyrdy.
Májilis depýtaty Saıasat Nurbek atap ótkendeı, elimiz damýdyń jańa kezeńine aıaq basty.
«Bárimiz birge, búkil halyq bolyp Memleket basshysy jarııalaǵan saıası reformalar baǵyty tóńireginde toptasaıyq», - dedi halyq qalaýlysy.
Óz kezeginde belgili telejúrgizýshi Maqsat Tolyqbaı konstıtýııalyq reforma «Jańa Qazaqstan» qurý jolyndaǵy mańyzdy qadam ekenin atap ótti.
«Qarańyzdarshy, kók týymyzdyń jelbiregeni adamdy qalaı tebirentedi, rýh beredi! Barlyǵymyz osy týdy bıik ustaıyq! Qazir elimiz úlken ózgerister aldynda tur», - dedi Maqsat Tolyqbaı.
Belgili qazaqstandyq sportshy Abzal Ájiǵalıev te jınalǵandar aldynda sóz sóıledi.
«Men ár azamattyń quqyqtary men bostandyqtary bárinen joǵary turatyn ádiletti Qazaqstanda ómir súrgim keledi», - dedi Abzal Ájiǵalıev.
Eske sala keteıik, Táýelsiz Qazaqstannyń memlekettik rámizderi 1992 jyldyń 4 maýsymynda bekitildi.
”Adyrna” ulttyq portaly
