Elordadaǧy EKSPO aumaǧynda «AMANAT»partiiasynyŋ ūiymdastyruymen QR Memlekettık rämızderınıŋ 30 jyldyǧyna arnalǧan «Menıŋ Elım» atty merekelık konsert öttı. Oǧan 20 myŋnan astam körermen qatysty, dep habarlaidy “Adyrna” ūlttyq portaly.
Elordalyqtar men qala qonaqtarynyŋ aldynda qazaq estradasynyŋ tanymal jūldyzdarymen qatar jas änşıler de öner körsettı.
Olardyŋ qatarynda - Roza Rymbaeva, Ūlyqpan Joldasov, «Jıgıtter» toby, Aiqyn, Raim, Quandyq Raqym, AYREE, Argonia, Mansūr jäne Qobylandy, «Alaşūly» toby, Dana Kentai, Farida Joldasova, Zarina Omarova, Prince, Sadraddin, 2RAR, AKHA bar.
Önerpazdardyŋ üzılısı kezde «AMANAT»respublikalyq partiialyq ştabynyŋ müşelerı qazaqstandyqtardy merekemen qūttyqtap, osy jeksenbıde ötetın Konstitusiiaǧa özgerıster men tolyqtyrular engızu jönındegı jalpyūlttyq referendumǧa qatysuǧa şaqyrdy.
Mäjılıs deputaty Saiasat Nūrbek atap ötkendei, elımız damudyŋ jaŋa kezeŋıne aiaq basty.
«Bärımız bırge, bükıl halyq bolyp Memleket basşysy jariialaǧan saiasi reformalar baǧyty töŋıregınde toptasaiyq», - dedı halyq qalaulysy.
Öz kezegınde belgılı telejürgızuşı Maqsat Tolyqbai konstitusiialyq reforma «Jaŋa Qazaqstan» qūru jolyndaǧy maŋyzdy qadam ekenın atap öttı.
«Qaraŋyzdarşy, kök tuymyzdyŋ jelbıregenı adamdy qalai tebırentedı, ruh beredı! Barlyǧymyz osy tudy biık ūstaiyq! Qazır elımız ülken özgerıster aldynda tūr», - dedı Maqsat Tolyqbai.
Belgılı qazaqstandyq sportşy Abzal Äjıǧaliev te jinalǧandar aldynda söz söiledı.
«Men är azamattyŋ qūqyqtary men bostandyqtary bärınen joǧary tūratyn ädılettı Qazaqstanda ömır sürgım keledı», - dedı Abzal Äjıǧaliev.
Eske sala keteiık, Täuelsız Qazaqstannyŋ memlekettık rämızderı 1992 jyldyŋ 4 mausymynda bekıtıldı.
”Adyrna” ūlttyq portaly
