Bügın «AMANAT» partiiasynyŋ Qaraǧandy oblystyq filialynda «Kıtap-AMANAT» mädeni-aǧartu ortalyǧynyŋ aşyluy öttı.
Alǧaşqy osyndai ortalyq aǧymdaǧy jyldyŋ 22 qyrküiegınde Almaty qalasynda Qazaqstan Respublikasy Parlamentı Mäjılısınıŋ Töraǧasy, «AMANAT» partiiasynyŋ Töraǧasy Erlan Jaqanūly Qoşanovtyŋ qatysuymen aşyldy.
Jobanyŋ maqsaty – «AMANAT» partiiasy janynan oqyrman mädenietınıŋ qūndylyqtaryn qalyptastyratyn ziiatkerlık eko-qoǧamdastyq qūru.
Jobanyŋ özektılıgı - Qazaqstannyŋ progress jäne üdemelı damu joly, inkliuzivtı ekonomika qūru azamattardyŋ qoǧamdyq sanasynyŋ özgeruımen jäne Ūlttyŋ jaŋa sapasynyŋ qalyptasuymen bailanysty ekenı belgılı.
Būǧan memleket Basşysy Qasym-Jomart Toqaev «Adal azamat» tūjyrymdamasynyŋ mänın aşyp, şaqyrady. Jaŋa formasiiadaǧy azamattardyŋ joǧary intellektısı men oi-örısı Qazaqstannyŋ bäsekege qabılettı adami kapitaly bar elge ainaluynyŋ negızgı faktorlaryna ainaluy tiıs.
Sonymen qatar, älemdık ürdısterge süiene otyryp, Qazaqstanda kreativtı industriiany damytu qajettılıgı tuyndady, onyŋ negızın adamdardyŋ ziiatkerlık jäne şyǧarmaşylyq kapitaly qūraidy. El Prezidentınıŋ «Ädıl Qazaqstannyŋ ekonomikalyq baǧyty» joldauynda körsetılgen kreativtı industriianyŋ öŋırlık ortalyqtaryn aşu jönındegı mındetter ziiatkerlık qyzmetpen bailanysty ekonomikanyŋ osy sektorynyŋ sapaly serpılısıne yqpal etetın bolady.
Qaraǧandyda «Kıtap-AMANAT» ortalyǧyn Qaraǧandy oblysynyŋ äkımı Ermaǧanbet Bölekpaev, onyŋ orynbasary Erlan Qūsaiyn, «AMANAT» partiiasynyŋ hatşysy Şolpan Karinova, partiianyŋ oblystyq filialynyŋ töraǧasy Bekzat Altynbekov aşty. Saltanatty aşylu saltanatyna Qaraǧandy qalasynyŋ qūrmettı tūrǧyndary, aǧartu ardagerlerı, Qazaqstannyŋ eŋbek sıŋırgen qairatkerı, Qazaqstan Jazuşylar odaǧynyŋ Qaraǧandy bölımşesınıŋ direktory Serık Aqsūnqarūly, E.A.Böketov atyndaǧy Qaraǧandy universitetınıŋ professory Qoiylybai Asanov, "Ortalyq Qazaqstan" gazetınıŋ bas redaktory Erkın Mūsabekov jäne öŋırımızdıŋ şyǧarmaşylyq ziialy qauym ökılderı, qoǧam qairatkerlerı qatysty.
Saltanatty ıs-şara barysynda auksion ötkızılıp, mazmūny jaǧynan bıregei basylymdar oinaldy. Oblys äkımı de bei-jai qalmady jäne ortalyqtan avtor Djek Mannnyŋ qazaq redaksiiasyndaǧy kıtapty satyp aldy.
«Kıtap-AMANAT ortalyǧy aşylumen şyn jürekten qūttyqtaimyn! Jaqsy kıtap - aqyldy adamnyŋ äŋgımesımen bırdei.» dep atap öttı Ermaǧanbet Qabdulaūly.
Qaraǧandylyqtar üşın qalanyŋ qoǧamdyq kölıgınde QR kömegımen kıtap oqu mümkındıgı jaǧymdy syilyq boldy. Endı joldaǧy kez-kelgen jolauşy özıne ūnaityn kez-kelgen kıtapty kodty skanerleu arqyly onlain formatta oqi alady.
«Kıtap - ömır ūstazy. Sondyqtan jastar kıtap oqudy kündelıktı ädet qyluy tiıs. Kıtap oqymai ömırdı bılu, bılım alu mümkın emes.» dep qosty Serık Aqsūŋqarūly.
Qaraǧandy qalasyndaǧy «Kıtap-AMANAT» mädeni-aǧartu ortalyǧynyŋ mekenjaiy: Älihanov köşesı 4, «AMANAT» partiiasynyŋ Qaraǧandy oblystyq filialy.
