“Astana Konsert” kompaniiasynyŋ prodiuserı Mälık Hasenov älemge äigılı amerikalyq änşı ärı aktrisa Djennifer Lopestıŋ Astanada ötetın konsertı elımız üşın ǧana emes, bükıl Ortalyq Aziia üşın maŋyzdy oqiǧa bolatynyn atap öttı, dep habarlaidy “Adyrna” ūlttyq portaly Qazaqparatqa sıltep.
“1 tamyzda “Astana Arena” stadionynda Djennifer Lopestıŋ konsertı ötedı. Būl — kommersiialyq negızde ūiymdastyrylyp otyrǧan erekşe joba. Qazaqstannyŋ şou-biznes tarihynda mūndai deŋgeidegı joba alǧaş ret ötıp jatyr”, – dedı Hasenov Ükımet otyrysynda.
Prodiuserdıŋ aituynşa, konsert Astananyŋ älemdık A-klassty jūldyzdardyŋ gastroldık kartasyna enuıne jol aşady.
“Būl şaraǧa 15 myŋnan astam şeteldık turist keledı dep kütılude. Qala ekonomikasyna, qonaq üi, meiramhana jäne keitering salalaryna (HoReCa) 6,5 milliard teŋge paida tüsedı dep boljanyp otyr. Sonymen qatar, 400 million teŋgeden astam tıkelei salyq tüsımı kütıledı”, – dedı ol.
Eske sala keteiık, būǧan deiın Djennifer Lopestıŋ Up All Night atty älemdık turnesı 1 şıldede bastalyp, 3 tamyzǧa deiın jalǧasatyny habarlanǧan. Tur barysynda ol älemnıŋ 17 qalasyna at basyn būrady, olardyŋ qatarynda Astana da bar.
Ūqsas jaŋalyqtar
