27 tamyz künı QR Mädeniet jäne aqparat ministrlıgınıŋ qooldauymen, «Qazaqkonsert» konserttık ūiymynyŋ ūiymdastyruymen ötken «Coupe Mondiale 79» halyqaralyq baian jäne akkordeonşylar baiqauynyŋ saltanatty jabylu räsımı öttı.
Saltanatty keşke Qazaqstan Respublikasy Mädeniet jäne aqparat ministrlıgı Mädeniet komitetınıŋ töraǧasy Azamat Sailauūly Belqaiyrov qatysyp, qūttyqtau söz söiledı.
Komitet töraǧasy öz sözınde elımızde mädeniet pen ruhaniiatqa ärdaiym erekşe män berıletının atap öttı. Biyl mädeniet salasynda köptegen maŋyzdy jobalar ıske asyrylǧanyn aityp, qorytyndylanyp otyrǧan älemdık dodanyŋ da sonyŋ bır aiǧaǧy ekenın jetkızdı. Sondai-aq Mädeniet jäne aqparat ministrlıgı halyqaralyq mädeni bastamalardy ärdaiym qoldaitynyn aityp, aldaǧy uaqytta da elımızde osyndai auqymdy jobalar jalǧasyn tabatynyna senım bıldırdı.
Azamat Belqaiyrov ministrlık atynan Halyqaralyq akkordeonister konfederasiiasyna, qazylar alqasyna, baiqaudy ūiymdastyrǧan «Qazaqkonsert» ūjymyna, barlyq qatysuşylar men demeuşılerge erekşe alǧysyn bıldırdı. Söz soŋynda jeŋımpazdar men jüldegerlerdı qūttyqtap, barşa qatysuşyǧa şyǧarmaşylyq tabys pen jaŋa jetıstıkter tıledı. Keş barysynda baiqaudyŋ Senior sanaty boiynşa jeŋımpazdary marapattalyp, I, II jäne III oryn iegerlerınıŋ esımderı jariialandy.
Halyqaralyq akkordeonister konfederasiiasynyŋ (CIA) prezidentı Mirko Patarini arnaiy jüldelerdı tabystady. «Klassikalyq muzyka ansamblı» nominasiiasynda Resei Federasiiasynyŋ Siberian Bayan Quartet ūjymy, «Jasöspırımder arasyndaǧy virtuozdyq estradalyq oryndauşylyq» nominasiiasynda İtaliia ökılı Davide Di Djakomo, «Jasöspırımder arasyndaǧy Coupe Mondiale» nominasiiasynda Japoniia ökılı Futa Midzutani, «Eresekter arasyndaǧy virtuozdyq estradalyq oryndauşylyq» nominasiiasynda Bosniia jäne Gersegovina ökılı Djordje Perich, «Coupe Mondiale şeberlerı» nominasiiasynda Resei Federasiiasynyŋ ökılı Timur Setrakov, «Älemdık muzyka ansamblı» nominasiiasynda qazaqstandyq «Scythians» triosy, al «Coupe Mondiale» nominasiiasynda Qazaqstan ökılı Jandos Sauyt bırınşı oryn ielendı.
Saltanatty keştıŋ erekşe bölıgı osy jetı sanat boiynşa I oryn iegerlerınıŋ muzykalyq öner körsetuı boldy. Älemnıŋ üzdık baian jäne akkordeon oryndauşylary elorda sahnasynda bas qosyp, joǧary käsıbi şeberlıkterın körsettı.
Finaldyq konsertte ūlttyq muzyka men älemdık klassika ündestı. Sahnada «Astana sazy» qazaq memlekettık folklorlyq ansamblı, «Samga», «Saz&Soul» toptary, «Gülder» ansamblınıŋ baletı, Klara Tölenbaeva, Nūrai Şeru jäne «Qazaqkonserttıŋ» şyǧarmaşylyq ūjymdary öner körsettı.
Keştıŋ şaryqtau şegınde 40-tan astam baianist Qūrmanǧazynyŋ «Adai» küiın bırge oryndap, körermenge erekşe äser syilady. Saltanatty räsım Eskendır Hasanǧalievtıŋ «Atameken» änımen tüiındeldı. Jiyn soŋynda Qazaqstan Respublikasynyŋ Mädeniet jäne aqparat ministrınıŋ atynan yqylas gülı tabystaldy.
Aita keteiık, bırneşe künge sozylǧan halyqaralyq dodaǧa älemnıŋ är elınen baiqauǧa barlyǧy 147 ötınım qabyldandy. Onyŋ 126-sy – jeke oryndauşylar, 21-ı – ansamblder. Ansamblder qūramynda 62 önerpaz öner körsettı. Bırneşe sanatta baq synaǧan qatysuşylardy esepke alǧanda, konkursqa qatysqan bıregei önerpazdardyŋ jalpy sany 153 adamdy qūrady. Onyŋ ışınde 32 qatysuşy bırneşe sanatta – jeke nemese ansambl qūramynda öner körsettı.
Baiqaudyŋ Qazaqstanda ötuı - qazaqstandyq jas oryndauşylardyŋ osyndai bedeldı älemdık baiqauǧa qandai da bır qiyndyqsyz qatysuyna mol mümkındık aşyp otyr. Sonyŋ arqasynda Qazaqstannan – 40 oryndauşy baiqauda baq synady. Al jalpy sany baiqauǧa 16 eldıŋ önerpazdary qatysty. Olardyŋ qatarynda Resei, Qytaidai, Portugaliia, İtaliia, Chernogoriia, Serbiia, Horvatiia, Şveisariia, Japoniia, Özbekstan, Braziliia, Bosniia jäne Gersegovina, Qyrǧyzstan, Soltüstık Makedoniia jäne Belarus elderınıŋ ökılderı bar.
Halyqaralyq doda aiasynda Halyqaralyq akkordeonşylar konfederasiiasynyŋ 46 delegaty da Astanaǧa keldı. Olardyŋ qatarynda İtaliia, Finliandiia, Fransiia, Qytai, Avstraliia, Resei, Serbiia, Germaniia, Avstriia, Jaŋa Zelandiia jäne özge memleketterdıŋ baian-akkordeon önerınıŋ belgılı ökılderı bar. Halyqaralyq delegasiia qūramynda Halyqaralyq akkordeonşylar konfederasiiasynyŋ prezidentı Mirko Patarini, sondai-aq Kimmo Mattila, Jak Morne, Natali Buşe, Viktor Romanko, Aleksandr Selivanov, Greison Meisfild, Harli Djons taǧy da basqa halyqaralyq baian-akkordeon önerınıŋ ökılderı bar. Al Qazaqstannan qazylar alqasynyŋ qūramynda belgılı öner qairatkerı, professor – Anatolii Gaisin, Säule Smaqova, Samǧar Tolqynhan, Jämilä Chaldaeva, Damir Sūltanov boldy.
Baiqaudyŋ resmi aşylu saltanaty 24 tamyzda öttı. Is-şaraǧa QR Mädeniet jäne aqparat vise-ministrı SYdyqov Aibek Jeksenälıūly qatysyp, QR Premer-minitrınıŋ orynbasary – Mädeniet jäne aqparat ministrı – Aida Ǧalymqyzy Balaevanyŋ qūttyqtau sözın jetkızdı Aşylu saltanatynan keiın baiqaudyŋ negızgı bölıgı - tyŋdalymdar bastaldy.
Baiqaudyŋ ekınşı künı konkurstyq baǧdarlama taŋǧy saǧat 08:30-dan bastalyp, keşke deiın jalǧasty. Al keşke, osy halyqaralyq baiqau aiasynda «Coupe Mondiale» baiqauynyŋ 2021 jylǧy jeŋımpazy, daryndy akkordeonist Oljas Nūrlanovtyŋ jeke konsertı öttı.
Üşınşı künı konkurstyq tyŋdalymdarmen qatar baian jäne akkordeon önerınıŋ maitalmandary şeberlık sabaqtaryn ötkızdı. Olar halyqaralyq baiqaulardyŋ jeŋımpazy, Tianszin muzyka konservatoriiasynyŋ dosentı Rui Liu, Halyqaralyq akkordeonşylar konfederasiiasynyŋ prezidentı Mirko Patarini, Qūrmanǧazy atyndaǧy Qazaq ūlttyq konservatoriiasynyŋ professory Anatolii Gaisin jäne Resei muzyka akademiiasynyŋ dosentı Aleksandr Selivanov. Mūnda qatysuşylar men jas muzykanttar älemnıŋ är elınen kelgen baian jäne akkordeon önerınıŋ myqtylarymen käsıbi täjıribe almasyp, oryndauşylyq şeberlıktıŋ qyr-syryn meŋgeruge mümkındık aldy. Jeŋımpazdarǧa arnalǧan jalpy jülde qory 16 million teŋgenı qūraidy. Onyŋ ışınde üzdık dep tanylǧan qatysuşylarǧa negızgı Coupe Mondiale sanaty boiynşa taǧaiyndalǧan jülde jülde somasy - I orynǧa – 3 000 euro, II orynǧa – 2 000 euro, III orynǧa – 1 000 euro tabystaldy. Jalpy mūndai auqymy keŋ baiqaular ülken qarajatty qajet etdı. Ministrlık tarapynan da qarajat qarastyryldy, bıraq negızgı baǧyty demeuşılerdıŋ kömegımen ötkızıldı. Basty demeuşı - «Qazaqstan Halyq bankı» AQ. Sondai-aq Vita Bottlers jäne t.b. demeuşıler qoldau körsettı.
