Oblys ortalyǧy – Qonaev qalasynda Memlekettık Tudy köteru räsımı jäne saltanatty jiyn ūiymdastyryldy.
Keşkısın merekelık konsert körsetılıp, şara taŋǧajaiyp drondar şouynyŋ körsetılımımen tüiındelıp, öz märesıne jettı.
Respublika künı Almaty oblysynda ädettegı qalyptasqan dästür boiynşa auqymdy ärı saltanatty türde atalyp öttı. Öŋırdıŋ barlyq audan, qalalarynda myŋdaǧan tūrǧyndy el rämızderı astynda bırıktırgen Qazaqstannyŋ täuelsızdıgı men bırlıgınıŋ nyşany bolyp tabylatyn Memlekettık Tudy köteru räsımderı ötkızıldı.
Basty merekelık ıs-şara Almaty oblysynyŋ ortalyǧy – Qonaev qalasynda ūiymdastyryldy. Saltanatty şarada Qūrmet qarauylynyŋ qatysuymen, Qazaqstannyŋ halyq ärtısı Talǧat Küzembaevtyŋ oryndauynda qala aspanynda Qazaqstan Respublikasynyŋ Memlekettık Änūrany äuelei şyrqaldy. Däl osy sätte ortalyq alaŋda Memlekettık Ştandart kökke köterıldı.
Saltanatty sätten soŋ ötkızılgen merekelık jiynda oblys äkımı Marat Sūltanǧaziev jinalǧan qauymdy Respublika künımen qūttyqtady.
«1990 jyldyŋ 25 qazanynda Memlekettık egemendık turaly Deklarasiia qabyldandy. Däl osy künnen elımızdıŋ täuelsızdıkke aparar joly bastau aldy. Būl kün barşa qazaqstandyqtardy bırıktırıp, azattyq pen memlekettılıktıŋ nyşanyna ainaldy», – dedı öz sözınde öŋır basşysy.
Marat Sūltanǧaziev oblystyŋ äleumettık-ekonomikalyq damuyna jäne el igılıgıne üles qosqan oblys tūrǧyndaryna memlekettık nagradalardy tabys ettı. Sondai-aq, şara barysynda Qazaqstan halqy Assambleiasynyŋ nagradalary da öz ielerıne tapsyryldy.
Saltanatty räsım kezınde «Elitstroi» kompaniiasy Qazaqstannyŋ halyq ärtısı, «Aqjauyn» orkestrınıŋ körkemdık jetekşısı Seken Tūrysbekke päter kıltın tabystady. Atalmyş syi - öner iesınıŋ ūlttyq mädeniettı damytuǧa qosqan zor eŋbegınıŋ joǧary baǧalanǧandyǧynyŋ belgısı.
Merekenıŋ şaryqtau şegı - ortalyq alaŋda ötken otandyq estrada jūldyzdarynyŋ qatysuymen ūiymdastyrylǧan konsert boldy. Konsert soŋynda Almaty oblysynda alǧaş ret taŋǧajaiyp merekelık drondar şouy halyq nazaryna ūsynyldy. Jüzdegen dron Qonaev aspanyna köterılıp, türlı-tüstı jaryqtarmen Qazaqstannyŋ rämızderı men merekelık beinelerdı beinelep, körermender üşın merekelık keştıŋ közaiym körınısıne ainaldy.
