Respublika künınıŋ memlekettık deŋgeide, elımızde tūratyn barşa ūlt pen ūlysqa ortaq ūlttyq mereke retınde toilanuy Qazaqstannyŋ älem aldyndaǧy bedelın arttyra tüsedı. Respublika künı qoǧamnyŋ patriottyq sezımın nyǧaituǧa bırden-bır negız bolatyn mereke.
1990 jyly 25 qazanda Qazaq KSR Joǧarǧy Keŋesınıŋ qaulysymen Memlekettık egemendık turaly Deklarasiia qabyldandy. Qazaq KSR egemendıgın jariialap, Qazaqstannyŋ täuelsız memleket retınde saiasi-qūqyqtyq negızderın qabyldady. Onda tūŋǧyş ret aumaqtyŋ tūtastyǧy, bölınbeitındıgı jäne tatulyǧy, Qazaqstan halqy men olardyŋ tılderın, mädenietın damytu, ūlttyq bıregeilıktı nyǧaitu siiaqty memlekettılıktıŋ qaǧidalary bekıtıldı. Būl tarihi jäne öte maŋyzdy şeşım bolatyn. Elımızdıŋ täuelsızdıgı däl osy künnen bastalady dep senımmen aituǧa bolady. Sondyqtan būl kündı ūlttyq mereke retınde qaita bekıtu memlekettılık tūrǧysynan maŋyzdy qadam bolyp otyr.
Bız ruhani qūndylyǧymyzdy, bai tarihymyzdy jäne ūly dalanyŋ mūragerı retınde qazaqty älemge tanytu arqyly osy tarihi datanyŋ män-maŋyzyn barynşa aşa bıluımız qajet. Sol sebeptı būl künnıŋ qazırgı qoǧamǧa qajettılıgı memleketımız üşın ülken mänge ie dep sanaimyn.
Täuelsızdık jyldarynda Qazaqstan armiiasy memlekettıŋ egemendıgı men aumaqtyq tūtastyǧyn qamtamasyz etıp qana qoimai, zamanaui, joǧary jaraqtandyrylǧan jäne ūtqyr äskerge ainaldy. Būl jerde Qaruly küşter ardagerlerınıŋ janqiiarlyq eŋbegın erekşe atap ötkım keledı. Alǧaşqy künnen-aq memleketşıl, ūltjandy köptegen ofiserler men generaldar armiianyŋ jauyngerlık qabıletın qalyptastyru men nyǧaitu üşın aldyŋǧy şepten tabyldy.
Bügınde Jaŋa Qazaqstandy qūrudyŋ maŋyzdy qadamdary jasaluda. Elımızdıŋ qūrylymdyq jüiesınde, saiasi-ekonomikalyq baǧytynda aitarlyqtai jaŋǧyrtular qolǧa alyndy. Halqymyz da jaŋa qoǧamdy qalyptastyruǧa degen būl bastamalarǧa ärdaiym qoldau bıldırıp keledı. Demokratiialyq ürdısterdı ornyqtyruǧa, tūrǧyndardyŋ ömır süru sapasyn jaqsartuǧa baǧyttalǧan būl özgerısterdıŋ Qaruly küşterdıŋ ardagerlerı üşın de maŋyzy zor bolmaq.
Memleket basşysynyŋ «Bız üşın Qazaqstannyŋ Täuelsızdıgı bärınen qymbat. Osy tūraqsyz, qūbylmaly älemde Qazaqstanymyz bızden basqa eşkımge kerek emes. Sondyqtan, maǧan elımnıŋ amandyǧy men jerımnıŋ tūtastyǧynan asqan eşbır qūndylyq joq», – degen sözı bızdıŋ ärqaisymyzdyŋ jadymyzda jattalyp tūruy kerek. Būl rette Otan qorǧauşylarǧa artylar jauapkerşılıktıŋ eselene tüsetını anyq. Özderıne artylǧan būl senımdı el qorǧandary abyroimen oryndaitynyna kümänım joq.
Respublika künı merekesınde är şaŋyraqqa baq daryp, yrys ūialasyn! Elımızge tynyştyq, halqymyzǧa bereke-bırlık, eŋbekterıne tabys, baqytty ǧūmyr tıleimın!
Marat NAǦŪMANOV,
QR Qaruly Küşterı Ardagerler keŋesı
töraǧasynyŋ orynbasary otstavkadaǧy general-maiory
Ūqsas jaŋalyqtar
