1990 jyly 25-qazanda HII sailanǧan Joǧarǧy Keŋestıŋ sessiiasynda «Qazaq SSR-ınıŋ memlekettık egemendıgı turaly Deklarasiia» qabyldanuy qūrmetıne taǧaiyndalǧan Respublika künı bızge asa qymbat meiram bolatyn. Ökınışke qarai būl meiramnyŋ ruhani quattylyǧy eks-prezidentke ūnamai türlı jeleumen 17 jyldan keiın 2008 jyly Täuelsızdık künıne sıŋırılıp jıberıldı. Söitıp mülde atausyz qaldy. Alaida qoǧamdyq jūrtşylyqtyŋ, jazuşylar men jurnalister qauymynyŋ üzdıksız ūsynystary men talaptarynyŋ arqasynda araǧa 14 jyl salyp Respublika künı merekelık küntızbege qaityp oraldy. Allaǧa şeksız şükırşılık, ötken, 2022 jyly memleket basşysy Q.Toqaev şyǧarǧan arnaiy Jarlyqpen būl data ūlttyq mereke retınde atalyp ötıletın boldy.
Bıraq osy merekenıŋ Respublika künı atauy maǧynasyz. Köpşılıkke onşa ūnamaidy. Būl qai respublika künı? 1920 jyly 26 tamyzdaǧy RSFSR qūramyndaǧy avtonomiialyq respublika ma? Älde 1936 jylǧy 5-jeltoqsanda qūrylǧan odaqtas respublika ma? Tüsınıksızdeu.
Aqiqaty – ärıde! Egemendık Deklarasiiasy qabyldanǧan tūsta Qazaqstan älı Keŋes odaǧynyŋ qūramynda bolatyn. Kompartiia eldegı bilıkten qolyn älı ajyrata qoimaǧan. Sodan basşylyq saiasi maǧynasy tereŋ Azattyq künı dep ataudan jasqanyp, eşteme mındettemeitın jyǧa saldy Respublika künı atauyna toqtaǧan. Egemendık eiforiiasymen mūny baiqamadyq. Halyq solai bolu kerek şyǧar dep qabyldady.
Alaida merekenıŋ aqiqat mänı – būl data qazaq halqyn aŋsaǧan azattyǧyna jaqyndata tüstı. Qazır üstımızden Odaq tönıp tūrǧan joq. Kompartiia bilıkten ketkelı qaşan? Qazaqstan memlekettık egemendık Deklarasiiasyna, oǧan negızdep jariialaǧan täuelsızdıgıne, qoldanystaǧy Konstitusiiasyna säikes eşkımge jaltaqtamai öz mäselesın özı şeşedı.
Sondyqtan būl saiasi meiramnyŋ aqiqat atauy – Azattyq merekesı boluǧa tiıs!
Ūqsas jaŋalyqtar
