ۇلتتىق مەرەكە – ۇلاعاتى مول ۇلىق مەرەكە

1518
Adyrna.kz Telegram

رەسپۋبليكا كۇنىنىڭ مەملەكەتتىك دەڭگەيدە، ەلىمىزدە تۇراتىن بارشا ۇلت پەن ۇلىسقا ورتاق ۇلتتىق مەرەكە رەتىندە تويلانۋى قازاقستاننىڭ الەم الدىنداعى بەدەلىن ارتتىرا تۇسەدى. رەسپۋبليكا كۇنى قوعامنىڭ پاتريوتتىق سەزىمىن نىعايتۋعا بىردەن-ءبىر نەگىز بولاتىن مەرەكە.  

1990 جىلى 25 قازاندا قازاق كسر جوعارعى كەڭەسىنىڭ قاۋلىسىمەن مەملەكەتتىك ەگەمەندىك تۋرالى دەكلاراتسيا قابىلداندى. قازاق كسر  ەگەمەندىگىن جاريالاپ، قازاقستاننىڭ تاۋەلسىز مەملەكەت رەتىندە ساياسي-قۇقىقتىق نەگىزدەرىن قابىلدادى. وندا تۇڭعىش رەت اۋماقتىڭ تۇتاستىعى، بولىنبەيتىندىگى جانە تاتۋلىعى، قازاقستان حالقى مەن ولاردىڭ تىلدەرىن، مادەنيەتىن دامىتۋ، ۇلتتىق بىرەگەيلىكتى نىعايتۋ سياقتى مەملەكەتتىلىكتىڭ قاعيدالارى بەكىتىلدى. بۇل تاريحي جانە وتە ماڭىزدى شەشىم بولاتىن. ەلىمىزدىڭ تاۋەلسىزدىگى ءدال وسى كۇننەن باستالادى دەپ سەنىممەن ايتۋعا بولادى. سوندىقتان بۇل كۇندى ۇلتتىق مەرەكە رەتىندە قايتا بەكىتۋ مەملەكەتتىلىك تۇرعىسىنان ماڭىزدى قادام بولىپ وتىر.

ءبىز رۋحاني قۇندىلىعىمىزدى، باي تاريحىمىزدى جانە ۇلى دالانىڭ مۇراگەرى رەتىندە قازاقتى الەمگە تانىتۋ ارقىلى وسى تاريحي داتانىڭ ءمان-ماڭىزىن بارىنشا اشا ءبىلۋىمىز قاجەت. سول سەبەپتى بۇل كۇننىڭ قازىرگى قوعامعا قاجەتتىلىگى مەملەكەتىمىز ءۇشىن ۇلكەن مانگە يە دەپ سانايمىن.

تاۋەلسىزدىك جىلدارىندا قازاقستان ارمياسى مەملەكەتتىڭ ەگەمەندىگى مەن اۋماقتىق تۇتاستىعىن قامتاماسىز ەتىپ قانا قويماي، زاماناۋي، جوعارى جاراقتاندىرىلعان جانە ۇتقىر اسكەرگە اينالدى. بۇل جەردە قارۋلى كۇشتەر ارداگەرلەرىنىڭ جانقيارلىق ەڭبەگىن ەرەكشە اتاپ وتكىم كەلەدى. العاشقى كۇننەن-اق مەملەكەتشىل، ۇلتجاندى كوپتەگەن وفيتسەرلەر مەن گەنەرالدار  ارميانىڭ جاۋىنگەرلىك قابىلەتىن قالىپتاستىرۋ مەن نىعايتۋ ءۇشىن الدىڭعى شەپتەن تابىلدى.

بۇگىندە جاڭا قازاقستاندى قۇرۋدىڭ ماڭىزدى قادامدارى جاسالۋدا. ەلىمىزدىڭ قۇرىلىمدىق جۇيەسىندە، ساياسي-ەكونوميكالىق باعىتىندا ايتارلىقتاي جاڭعىرتۋلار قولعا الىندى. حالقىمىز دا جاڭا قوعامدى قالىپتاستىرۋعا دەگەن بۇل باستامالارعا ءاردايىم قولداۋ ءبىلدىرىپ كەلەدى. دەموكراتيالىق ۇردىستەردى ورنىقتىرۋعا، تۇرعىنداردىڭ ءومىر ءسۇرۋ ساپاسىن جاقسارتۋعا باعىتتالعان بۇل وزگەرىستەردىڭ قارۋلى كۇشتەردىڭ ارداگەرلەرى ءۇشىن دە ماڭىزى زور بولماق.

مەملەكەت باسشىسىنىڭ «ءبىز ءۇشىن قازاقستاننىڭ تاۋەلسىزدىگى بارىنەن قىمبات. وسى تۇراقسىز، قۇبىلمالى الەمدە قازاقستانىمىز بىزدەن باسقا ەشكىمگە كەرەك ەمەس. سوندىقتان، ماعان ەلىمنىڭ اماندىعى مەن جەرىمنىڭ تۇتاستىعىنان اسقان ەشبىر قۇندىلىق جوق»، – دەگەن ءسوزى ءبىزدىڭ ارقايسىمىزدىڭ جادىمىزدا جاتتالىپ تۇرۋى كەرەك. بۇل رەتتە وتان قورعاۋشىلارعا ارتىلار جاۋاپكەرشىلىكتىڭ ەسەلەنە تۇسەتىنى انىق. وزدەرىنە ارتىلعان بۇل سەنىمدى ەل قورعاندارى ابىرويمەن ورىندايتىنىنا كۇمانىم جوق.

رەسپۋبليكا كۇنى مەرەكەسىندە ءار شاڭىراققا باق دارىپ، ىرىس ۇيالاسىن! ەلىمىزگە تىنىشتىق، حالقىمىزعا بەرەكە-بىرلىك، ەڭبەكتەرىنە تابىس، باقىتتى عۇمىر تىلەيمىن!

مارات ناعۇمانوۆ،

قر قارۋلى كۇشتەرى ارداگەرلەر كەڭەسى

توراعاسىنىڭ ورىنباسارى وتستاۆكاداعى گەنەرال-مايورى

 

پىكىرلەر