رەسپۋبليكا كۇنىنە وراي ەلىمىزدە 5 مىڭنان استام تۋ ىلىنبەك، دەپ حابارلايدى "ادىرنا" ءتىلشىسى BAQ.KZ-كە سىلتەمە جاساپ.
25 قازان - رەسپۋبليكا كۇنى. ۇلتتىق مەرەكەگە وراي باس قالادا كۇنى كەشە ەرىكتىلەر مەن تۇرعىنداردىڭ ارقاسىندا 1000-عا جۋىق بايراعىمىز جەلبىرەگەن بولاتىن.
مەرەكەلىك اكتسياعا تەك جاستار قاناتىنىڭ بەلسەندىلەرى عانا ەمەس، بارشا قازاقستاندىقتار دا قاتىسىپ جاتىر ەكەن. حالىق تۋدى ۇيىنە، قوعامدىق ورىندارعا، كولىگىنە ءىلىپ، جەلبىرەتۋدە.
استانا تۇرعىنى قازىم سارسەنباي:
ۆولونتەرلەردى قۋانا-قۋانا ۇيىمە كىرگىزىپ، بالكونعا تۋ ءىلىپ قويۋعا رۇقسات بەردىم. ءوز وتانىما دەگەن سۇيىسپەنشىلىگىم مەن ماقتانىشىمدى وسىلاي بىلدىرەمىن. وسى ارقىلى ءبىز بىرلىگىمىز مەن ورتاق تاريحىمىزدا ارقايسىمىزدىڭ ماڭىزدى ەكەنىمىزدى كورسەتەمىز، - دەدى ول."مەنىڭ ەلىم – مەنىڭ تۋىم" اتتى ۇلكەن اكتسياعا "جاستار رۋحىنىڭ" 500-دەن استام بەلسەندىسى قاتىسۋدا. ەرىكتىلەر ەلىمىزدىڭ بارلىق وڭىرىندە 5 مىڭ تۋ كوتەرۋدى جوسپارلاپ وتىر.
ۇقساس جاڭالىقتار
