Respýblıka kúnine oraı elimizde 5 myńnan astam Tý ilinbek, dep habarlaıdy "Adyrna" tilshisi BAQ.KZ-ke silteme jasap.
25 qazan - Respýblıka kúni. Ulttyq merekege oraı bas qalada kúni keshe eriktiler men turǵyndardyń arqasynda 1000-ǵa jýyq baıraǵymyz jelbiregen bolatyn.
Merekelik akııaǵa tek Jastar qanatynyń belsendileri ǵana emes, barsha qazaqstandyqtar da qatysyp jatyr eken. Halyq Týdy úıine, qoǵamdyq oryndarǵa, kóligine ilip, jelbiretýde.
Astana turǵyny Qazym Sársenbaı:
Volonterlerdi qýana-qýana úıime kirgizip, balkonǵa Tý ilip qoıýǵa ruqsat berdim. Óz Otanyma degen súıispenshiligim men maqtanyshymdy osylaı bildiremin. Osy arqyly biz birligimiz men ortaq tarıhymyzda árqaısymyzdyń mańyzdy ekenimizdi kórsetemiz, - dedi ol.
"Meniń Elim – Meniń Týym" atty úlken akııaǵa "Jastar Rýhynyń" 500-den astam belsendisi qatysýda. Eriktiler elimizdiń barlyq óńirinde 5 myń Tý kóterýdi josparlap otyr.
