15 tamyz – Qazaqstannyŋ halyq ärtısı, körnektı kompozitor, «qazaq valsınıŋ korolı» atanǧan Şämşı Qaldaiaqovtyŋ tuǧan künı. Osy aituly dataǧa orai Şymkent qalasyndaǧy «Şämşı älemı» gülzarynda «Baqyt qūşaǧynda» atty gala-konsert öttı.
Merekelık ıs-şarada qala äkımınıŋ orynbasary Särsen Qūranbek pen qalalyq ardagerler keŋesınıŋ töraǧasy Kenjehan Tölebaev bastaǧan bır top ziialy qauym ökılderı aldymen «Şämşı älemı» gülzarynda ornalasqan Şämşı Qaldaiaqov eskertkışıne gül şoqtaryn qoidy. 
Şämşı Qaldaiaqovtyŋ mol mūrasyn ūlyqtaǧan keş Qazaqstan Respublikasynyŋ Memlekettık Änūranyn oryndaumen bastaldy. Odan keiın än saŋlaǧynyŋ qazaq muzykasynyŋ altyn qorynan oryn alǧan “Terıskei”, “Qūşaq jaiǧan qandai adam”, “Qaiyqta”, «Arys jaǧasynda», «Ana turaly jyr», “ Änım sen edıŋ”, “Qaidasyŋ?”, “Otyrardaǧy toi”, “Şynarym”, “Aqmaŋdailym», «Baqyt qūşaǧynda», «Syr sūluy», «Düŋgen qyzy»,«Syǧan serenadasy» syndy tuyndylary şyrqaldy. 
Şämşı Qaldaiaqov – ūlttyq muzyka önerınde özındık örnegın qalyptastyrǧan bıregei tūlǧa. Onyŋ äuenderınen qazaq dalasynyŋ keŋ tynysy, halyqtyŋ quanyşy men mūŋy, saǧynyşy men mahabbaty, tuǧan jerge degen perzenttık sezımı aiqyn aŋǧarylady. Sondyqtan da kompozitor tuyndylary uaqyt ötken saiyn kömeskılenbei, qaita är buynnyŋ jüregıne jol tauyp keledı.
Gala-konsert barysynda önerpazdar Qazaq ūlttyq aspaptar orkestrınıŋ jäne qalalyq Opera jäne balet teatry simfoniialyq orkestrınıŋ süiemeldeuımen kompozitordyŋ köpşılıkke keŋınen tanymal şyǧarmalaryn jandy dauysta oryndady. Äsem änge bölengen «Şämşı älemı» körermenge erekşe köŋıl-küi syilady. 
Sahnada şyrqalǧan är şyǧarma qala tūrǧyndary men qonaqtaryn Şämşı Qaldaiaqov ömır sürgen däuırge jetelep, qazaq än önerınıŋ qaitalanbas älemıne boilatty. Bırı tuǧan jerge degen saǧynyşty jetkızse, bırı mahabbat syryn aqtardy, endı bırı anaǧa degen perzenttık sezımdı asqaqtatty. Osylaişa, keşte oryndalǧan änder kompozitor mūrasynyŋ uaqyt ötken saiyn jaŋǧyryp, ūrpaqtan-ūrpaqqa jalǧasyp, halyqpen bırge jasai beretının taǧy bır märte aiǧaqtady.
