Elımızdegı tötenşe jaǧdaiǧa bailanysty Şymkentte saqtyq şaralary küşeitılude. Būl baǧytta Şymkent qalasyna kıretın-şyǧatyn avtojoldarda 12 blok beketı qoiyldy.
Qazırgı taŋda Şymkenttegı polisiia men medisina qyzmetkerlerı küşeitılgen rejimge köştı. Koronavirus ındetıne qarsy mamandar ärbır kölıktı toqtatyp, arnaiy qūrylǧymen azamattardyŋ dene qyzuyn ölşep, tekserısten ötkızıp jatyr.
Blok beketterge toqtalsaq, olar: Aqjar, Jylan būzǧan, Abdulabat, Ötemıs şapyraşty, Qyzylsu, Märtöbe, Siqym auyly (A-2 ainalma joly), Bozaryq ainalma joly, Qainarbūlaq saiajaiy, Badam ainalma joly, Kökbūlaq, Badam köpırı maŋy.
Būl beketterde polisiia, därıgerler, jedel-järdem, tötenşe jaǧdai qyzmetkerlerı täulık boiy qyzmet etedı. Saqtyq şaralary eŋ aldymen qala tūrǧyndarynyŋ qauıpsızdıgın qamtamasyz etu üşın qajet. Blok beketterde medisina mamandary halyqty aqparattandyru, azamattardyŋ qozǧalysyn baqylap, därıgerler jolauşylardyŋ dene qyzuyn ölşeidı. Qauıptıŋ aldyn alu maqsatynda qolǧa alynǧan jūmystar barysynda poliseiler men därıgerler qalanyŋ syrtyndaǧy 12 Blok bekette küşeitılgen rejimde jūmys atqaruda.
Ūqsas jaŋalyqtar
