ەلىمىزدەگى توتەنشە جاعدايعا بايلانىستى شىمكەنتتە ساقتىق شارالارى كۇشەيتىلۋدە. بۇل باعىتتا شىمكەنت قالاسىنا كىرەتىن-شىعاتىن اۆتوجولداردا 12 بلوك بەكەتى قويىلدى.
قازىرگى تاڭدا شىمكەنتتەگى پوليتسيا مەن مەديتسينا قىزمەتكەرلەرى كۇشەيتىلگەن رەجيمگە كوشتى. كوروناۆيرۋس ىندەتىنە قارسى ماماندار ءاربىر كولىكتى توقتاتىپ، ارنايى قۇرىلعىمەن ازاماتتاردىڭ دەنە قىزۋىن ولشەپ، تەكسەرىستەن وتكىزىپ جاتىر.
بلوك بەكەتتەرگە توقتالساق، ولار: اقجار، جىلان بۇزعان، ابدۋلابات، وتەمىس شاپىراشتى، قىزىلسۋ، مارتوبە، سيقىم اۋىلى (ا-2 اينالما جولى), بوزارىق اينالما جولى، قايناربۇلاق ساياجايى، بادام اينالما جولى، كوكبۇلاق، بادام كوپىرى ماڭى.
بۇل بەكەتتەردە پوليتسيا، دارىگەرلەر، جەدەل-جاردەم، توتەنشە جاعداي قىزمەتكەرلەرى تاۋلىك بويى قىزمەت ەتەدى. ساقتىق شارالارى ەڭ الدىمەن قالا تۇرعىندارىنىڭ قاۋىپسىزدىگىن قامتاماسىز ەتۋ ءۇشىن قاجەت. بلوك بەكەتتەردە مەديتسينا ماماندارى حالىقتى اقپاراتتاندىرۋ، ازاماتتاردىڭ قوزعالىسىن باقىلاپ، دارىگەرلەر جولاۋشىلاردىڭ دەنە قىزۋىن ولشەيدى. قاۋىپتىڭ الدىن الۋ ماقساتىندا قولعا الىنعان جۇمىستار بارىسىندا پوليتسەيلەر مەن دارىگەرلەر قالانىڭ سىرتىنداعى 12 بلوك بەكەتتە كۇشەيتىلگەن رەجيمدە جۇمىس اتقارۋدا.
شىمكەنت قالاسىنا كىرەتىن اۆتوجولداردا 12 بلوك بەكەتى قويىلدى
26.03.2020
2790
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз