شىمكەنت قالاسىنىڭ «استانا» الاڭى بۇگىن ەرەكشە مەرەكەلىك رۋحقا بولەندى. رەسپۋبليكا كۇنىنە ارنالعان اۋقىمدى حالىقتىق ءىس-شارا قالا تۇرعىندارى مەن قوناقتارىن ءبىر الاڭعا جيناپ، ەلدىك پەن بىرلىكتىڭ، شاتتىق پەن قۋانىشتىڭ مەرەكەسىنە اينالدى.
ۇلتتىق مەرەكە – رەسپۋبليكا كۇنىنە ارنالعان مەرەكەلىك كونتسەرتتىك باعدارلامادا جەرگىلىكتى شىعارماشىلىق ۇجىمدارمەن قاتار، ەلىمىزگە تانىمال ونەر جۇلدىزدارى - مارجان اراپباەۆا، قايرات تۇنتەكوۆ، ادىلەتجاۋعاشار، سىرىم يساباەۆ، زاتتىبەك كوپبوسىنۇلى، ەركەش حاسەن ونەر كورسەتىپ، قالا تۇرعىندارى مەن قوناقتارىنا كوتەرىڭكى كوڭىل كۇي سىيلادى.
شىمكەنت قالاسىنىڭ اكىمدىگى ۇيىمداستىرعان بۇل مەرەكەلىك ءىس-شارانىڭ باستى ماقساتى — ەل ەگەمەندىگى مەن تاۋەلسىزدىگىن دارىپتەۋ، ۇلتتىق بىرلىك پەن وتانسۇيگىشتىك قۇندىلىقتاردى ۇلىقتاۋ.
رەسپۋبليكا كۇنى – حالقىمىزدىڭ وتكەن جولىن سارالاپ، تاۋەلسىزدىگىمىزدىڭ ءمانىن تەرەڭ تۇسىنۋگە مۇمكىندىك بەرەتىن ماڭىزدى مەرەكە.
شىمكەنتتەگى مەرەكەلىك ءىس-شارا وسى تاريحي كۇننىڭ ءمانى مەن رۋحىن ايشىقتاپ، ەلدىگىمىزدىڭ تۇعىرىن بيىكتەتە ءتۇستى.
مەرەكەلىك كەش ەرتەڭ دە استانا الاڭىندا جالعاسىن تاۋىپ، سوڭى جارقىن وتشاشۋمەن قورىتىندىلانادى.
