Алматыда бір топ жігіт аулада отырған тұрғындарды ұрып кетті. Шабуылдың бейнежазбасы желіде тарады, деп хабарлайды «Адырна» тілшісі.
Алматы облыстық ПД оқиғаның маусымның 12-сінен 13-іне қараған түні Талғар ауданында болғанын мәлімдеді.
«Бесағаш ауылында орналасқан «Аспан Сити» тұрғын үй кешенінің ауласына бірнеше жігіт келіп, орындықта отырған ер адамды ұрып-соққан. Одан кейін үйдің кіреберісіне жетіп қалған екі жігітті де соққыға жыққан. Барлығы 5 адам зардап шекті»,– дейді мамандар.
Қазіргі таңда Қылмыстық кодекстің 293-бабы («Бұзақылық») бойынша сотқа дейінгі тергеу шаралары басталды.
<
