Нұр-Сұлтанда ер адам өзімен танысудан бас тартқан әйелді тонап кеткен. Бұл туралы қалалық ПД айтты, деп хабарлайды «Адырна» тілшісі.
«Елорда тұрғыны полицияға белгісіз адамның сағат 05.00 шамасында Бейбітшілік көшесінде оның "Айфон 11" маркалы ұялы телефонын ашық түрде ұрлап кеткенін айтып шағымданған. Жедел-іздестіру іс-шараларын жүргізу барысында "Сарыарқа" ауданының полиция қызметкерлері 36 жастағы қала тұрғынын ұстады. Тергеу барысында 32 жастағы жәбірленушінің кафеде демалып отырғанда күдіктімен танысқаны анықталды. Кафе жабылғаннан кейін, ер адам онымен бірге барып, таныстықты әрі қарай жалғастыруға шақырған. Бірақ айел бас тартқан. Бұл ер адамның намысына тиіп, әйелдің ұялы телефон алып қашып кеткен»,– деп түсіндірді ведомство.
Қазіргі таңда сотқа дейінгі тергеу амалдары жүргізіліп жатыр.
