«Кыргыз темир жолу» ұлттық компаниясы филиалының вагон жөндеу зауытында істен шыққан вагондар қайта жөнделіп, пайдалануға берілді. Қатынас құралы республикаішілік трафикке арналған, деп хабарлайды «Адырна» тілшісі тасымалдаушының ресми сайтына сілтеме жасап.
Қауіпсіздік мақсатында кузовтың конструкциясын өзгертпей жөндеу жүргізілді.
Сондай-ақ вагонның ішкі интерьері жақсартылған. Атап айтсақ, панорамалық терезелер мен жаңа креслолар орнатылды. Қысқы-жазғы ауаны баптау жүйелері, сусындарды салқындатуға арналған тоңазытқыш және ауыз суға арналған кулер енгізілді.
Компания вагонды өз қаражатына жүргізді. Бұған дейін 30 жыл ішінде Қырғыз темір жолы жаңа жолаушылар вагондарын сатып алмаған болатын.
