Қазақстанда журналист Тигран Кеосаянға елге келуге тыйым салынған болатын. Бұл туралы Сыртқы істер министрлігінің ресми өкілі Айбек Смадияров мәлім етті, деп хабарлайды ҚазАқпарат.
Тигран Кеосаян Қазақстанға келуге тыйым салынған үкімге жауап қатты:
«Бұл жайтқа күлкімен қараймын, құдды бір отаным орден бергендей. Бұл өте күлкілі. Мен олардың жанды жерін басып кеткен сияқтымын немесе оларға үрей тудыратын жерді дәл таптым. Демек өз журналистік қызметімді дұрыс атқардым деген сөз. Мен Қазақстанға міндетті түрде барамын. Ол үшін мен Қазақстан билігінен рұқсат сұрамаймын. Мен өзімнің туып-өскен Қазақстаныма баратын күн туады, советтік Қазақстанымды айтамын», — дейді ол.
"Адырна" ұлттық порталы
