قازاقستاندا جۋرناليست تيگران كەوسايانعا ەلگە كەلۋگە تىيىم سالىنعان بولاتىن. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات.
تيگران كەوسايان قازاقستانعا كەلۋگە تىيىم سالىنعان ۇكىمگە جاۋاپ قاتتى:
«بۇل جايتقا كۇلكىمەن قارايمىن، قۇددى ءبىر وتانىم وردەن بەرگەندەي. بۇل وتە كۇلكىلى. مەن ولاردىڭ جاندى جەرىن باسىپ كەتكەن سياقتىمىن نەمەسە ولارعا ۇرەي تۋدىراتىن جەردى ءدال تاپتىم. دەمەك ءوز جۋرناليستىك قىزمەتىمدى دۇرىس اتقاردىم دەگەن ءسوز. مەن قازاقستانعا مىندەتتى تۇردە بارامىن. ول ءۇشىن مەن قازاقستان بيلىگىنەن رۇقسات سۇرامايمىن. مەن ءوزىمنىڭ تۋىپ-وسكەن قازاقستانىما باراتىن كۇن تۋادى، سوۆەتتىك قازاقستانىمدى ايتامىن»، — دەيدى ول.
"ادىرنا" ۇلتتىق پورتالى
