الماتى وبلىسى كەگەن اۋدانى اۋماعىندا جەر سىلكىنىسى تىركەلدى، دەپ حابارلايدى "ادىرنا" ۇلتتىق پورتالى.
بۇل تۋرالى قازاقستان توتەنشە جاعدايلار مينيسترلىگىنە قاراستى "ۇلتتىق سەيسمولوگيالىق باقىلاۋ جانە زەرتتەۋ عىلىمي ورتالىعى" حابارلادى.
جەر سىلكىنىسىنىڭ ماگنيتۋداسى — 3.7, ال ەپيتسەنتردەگى ەسەپتىك قارقىندىلىعى — 3.5 بالل بولدى. ءدۇمپۋ وشاعى كەگەن اۋدانى، كاركارا اۋىلىنان 10 شاقىرىم قاشىقتىقتا، الماتى قالاسىنان وڭتۇستىك-شىعىسقا
كورشى قىرعىزستاننىڭ ۇلتتىق عىلىم اكادەمياسى جانىنداعى سەيسمولوگيا ينستيتۋتىنىڭ دەرەگىنشە، ءزىلزالانىڭ ەپيتسەنترى قىرعىزستان شەكاراسىنا جاقىن، قارقىرا اۋىلىنان سولتۇستىك-شىعىسقا قاراي 25 شاقىرىم جەردە تىركەلگەن.
"ەپيتسەنتردە سەزىلۋ بايقالمادى", – دەلىنگەن قازاقستاندىق سەيسمولوگتاردىڭ رەسمي مالىمدەمەسىندە.
قازىرگى تاڭدا زارداپ شەككەندەر مەن شىعىندار تۋرالى اقپارات جوق.