Бүгін еліміздің мақтанышы, қос ғарышкеріміз Тоқтар Әубәкіров пен Айдын Айымбетов дүниеге келген күн.
Тоқтар Оңғарбайұлы Әубәкіров 76 жасқа толды (27 шілде 1946 жыл, Қарқаралы ауданы, Қарағанды облысы, Қазақстан) — қазақтан шыққан тұңғыш ғарышкер, ұшқыш, Кеңес Одағының Батыры (1988), Қазақстан Республикасының Халық қаһарманы (1995), техника ғылымының докторы (1998), профессор (1997), Қорқыт Ата атындағы Қызылорда мемлекеттік университетінің құрметті профессоры. Академик Е.А.Бөкетов атындағы Қарағанды университетінің Құрметті профессоры (3 мамыр 2022 жыл).
Айдын Ақанұлы Айымбетов ердің жасы 50-ге келді (27.07.1972, Алматы облысы, Талдықорған қаласы, Өтенай ауылы) - Қазақстан ғарышкері, Халық қаһарманы. Шыққан руы жалайыр. Ол мектепті алтын медальмен бітірген. 1993 жылы Армавирдегі жоғарғы әскери авиациялық училищені "ұшқыш-истребитель" мамандығы бойынша аяқтады.
"Адырна" ұлттық порталы
