Бұған дейін 15 жоғары оқу орны жабылған болатын. Білім министрі Асхат Аймағамбетовтың айтуынша, қазір тағы алты университетті жабу туралы шешімдер сотқа жіберілген. Жабылған университеттердің 100 мыңнан астам студенті оқуын жалғастыру үшін басқа оқу орындарына ауыстырылды.
66 жоғары оқу орнының әлсіз білім беру бағдарламалары бойынша 505 лицензиясы қайтарылып алынды. Бұл жағдайда төрт университетпен сот процесі жүріп жатыр.
Сонымен қатар, оқыту саласындағы жоғары оқу орындарының саны 85-тен 50-ге, заңгерлерді дайындайтын жоғары оқу орындарының саны да 72-ден 61-ге қысқарды.
Бұған дейін қазақстандық студенттерге диплом жұмысын жазбауға рұқсат берілетіні хабарланған болатын.
"Адырна" ұлттық порталы
