Енді алматылықтар метромен қатынап, қарбаласта уақыт ұтатын болады. 13 ақпаннан бастап Алматының метрополитен желісінде қосымша метропойыздар іске қосылады, деп хабарлайды "Адырна" ұлттық порталы.
Жер асты жолында 10 метропойыз қатынайтын болады, соған сәйкес қозғалыс аралығы қарбалас сәтте 6 минут 12 секундке дейін қысқарады. Жылжымалы қатынау құралы қозғалысының кестесін жолаушылар "Алматы қаласы метрополитені" қосымшасы арқылы онлайн режимде біле алады.
Алматы метрополитені Алматы қаласында салынып жатқан метрополитен жүйесі. Алғаш 2011 жылдың 1 желтоқсанында қолданысқа берілді. 2022 жылы жаңа екі станция қосылды. Соның арқасында жолаушылар саны, шамамен, екі есеге артып, 85 мыңға жетті. Қазір 938 адам сиятын 4 вагонды жылжымалы құрам қатынап жүр.
"Адырна" ұлттық порталы
