Қазақстанның белгілі мемлекет және саяси қайраткері Бердібек Сапарбаев ҚР Еңбек және халықты әлеуметтік қорғау министрлігінің қызметкерлерімен кездесу өткізіп, мемлекеттік қызметтегі өз тәжірибесі туралы айтып берді, деп хабарлайды «Адырна» тілшісі министрліктің баспасөз қызметіне сілтеме жасап.
Ол Еңбекминінің жас қызметкерлерімен мемлекеттік қызметтегі жұмыс тәжірибесімен бөлісіп, сұрақтарына жауап берді. Кездесу барысында ҚР Еңбек және халықты әлеуметтік қорғау министрі Тамара Дүйсенова Бердібек Сапарбаевқа "Еңбек ардагері" медалін табыс етті.
Айта кетейік, әр жылдары Бердібек Сапарбаев түрлі мемлекеттік және саяси лауазымды атқарды, оның ішінде республиканың 5 өңірін басқарды, екі рет ҚР Еңбек және халықты әлеуметтік қорғау министрі және ҚР Премьер-министрінің орынбасары болды.
