Қазақстанда жастар саясаты жөніндегі заң күшіне енді. Бұл туралы ақпарат және қоғамдық даму министрлігі мәлімдеді, деп хабарлайды “Адырна” ұлттық порталы.
Ақпарат бойынша, заңға сәйкес кешеден бастап Қазақстанда жастардың жасы 35 жасқа дейін ұлғайтылды.
Яғни жастардың үлесі 3,7 миллионннан 6 миллионға дейін көбейді.
Енді 35 жасқа дейінгі азаматтар жас отбасыларға арналған жеңілдіктерге, жеңілдетілген несие алу және басқа игіліктерге ие болады.
Сонымен қатар, жастардың даму индексі, уақытша жұмысқа орналаспаған жастар (NEET санатындағы жастар), жастармен жұмыс жөніндегі маман және жастардың еңбек жасағы ұғымдары ресми түрде қолданылады.
