Беларусь президенті Александр Лукашенко экстремизм және мемлекетке қарсы әрекеттер үшін қылмыстық жауапкершілікті күшейту туралы заңға қол қойды. Оған сәйкес шенеуніктер мен әскери қызметкерлерге мемлекетке опасыздық жасағаны үшін өлім жазасы енгізіледі. Тиісті мәлімдемені ел басшысының баспасөз қызметі жариялады, деп хабарлайды «Адырна» тілшісі.
Құжаттың негізгі мақсаты – экстремистік және мемлекетке қарсы бағыттағы қылмыстармен күресті күшейту.
Сондай-ақ Лукашенко қол қойған заңда «мемлекетке қарсы бірқатар қылмыстар» үшін 50 мың негізгі бірлікке дейін (732,4 мың доллар) айыппұл түріндегі қосымша жаза қарастырылған.
