Кентау қаласындағы №23 орта мектептің бесінші сынып оқушысы Аружан Смайл Оқушылар сарайындағы робототехника үйірмесіне қатысады. Жас өнертапқыш тәлімгері Ақниет Елемесованың жетекшілігімен биші құлтемір жасады. Бұл туралы Оқу-ағарту министрлігінің баспасөз қызметі жазды, деп хабарлайды «Адырна» тілшісі.
«Басты мақсатымыз – «Арқан тарту», «Көкпар», « Теңге алу» секілді қазақтың ұлттық ойындарын техникалық саламен ұштастыру және өскелең ұрпақтың қызығушылығын арттыру, оларға жол ашу»,– дейді Ақниет Елемесова.
Аружанның айтуынша, үйірмеге алғаш қатысқаннан кейін робототехникаға деген қызығушылық артқан. Ол ұлттық дәстүрлерді насихаттауға бағытталған жоба жасағысы келіп, ойын жүзеге асырды.
Жеткіншек «Қара жорға» билейтін ерекше роботты Наурыз мерекесінде көпшілікке көрсетті.
Басқалармен бөлісе отырыңыз
