Президент Қасым-Жомарт Тоқаев Қытайдың CCTV телеарнасына сұқбат берді, деп хабарлайды «Адырна» тілшісі.
Мемлекет басшысы әңгімелесу барысында ел басқару философиясына тоқталып, Қазақстанның дамуы мен гүлденуіне бар күшін салатынын атап өтті.
«Мен елімнің Еуразия құрлығында жүріп жатқан үдерістердің ортасында болғанын қалаймын. Қазақстан әлемнің осы бөлігіндегі сауда жолдары мен халықаралық қатынастарды реттеуде аса маңызды рөл атқарады. Қазақстанның болашағы жарқын болатынына сенімдімін. Сол себепті елімді экономикасы дамыған, озық елдердің қатарына қосу үшін бар күш-жігерімді жұмсаймын. Қазақстан осындай сыртқы саясат ұстанса, табысқа жетеді. Бейбітшілікті жақтау, барлық елмен тиімді достық қатынаста болу біздің тарихи тағдырымызға жазылған. Ең алдымен, көршілес елдермен арадағы достығымызға баса мән береміз. Бұл ретте Қытай аса маңызды рөл атқарады»,—деді ол.
