Prezıdent Qasym-Jomart Toqaev Qytaıdyń CCTV telearnasyna suqbat berdi, dep habarlaıdy «Adyrna» tilshisi.
Memleket basshysy áńgimelesý barysynda el basqarý fılosofııasyna toqtalyp, Qazaqstannyń damýy men gúldenýine bar kúshin salatynyn atap ótti.
«Men elimniń Eýrazııa qurlyǵynda júrip jatqan úderisterdiń ortasynda bolǵanyn qalaımyn. Qazaqstan álemniń osy bóligindegi saýda joldary men halyqaralyq qatynastardy retteýde asa mańyzdy ról atqarady. Qazaqstannyń bolashaǵy jarqyn bolatynyna senimdimin. Sol sebepti elimdi ekonomıkasy damyǵan, ozyq elderdiń qataryna qosý úshin bar kúsh-jigerimdi jumsaımyn. Qazaqstan osyndaı syrtqy saıasat ustansa, tabysqa jetedi. Beıbitshilikti jaqtaý, barlyq elmen tıimdi dostyq qatynasta bolý bizdiń tarıhı taǵdyrymyzǵa jazylǵan. Eń aldymen, kórshiles eldermen aradaǵy dostyǵymyzǵa basa mán beremiz. Bul rette Qytaı asa mańyzdy ról atqarady»,—dedi ol.
