Qazaqstandy ozyq elderdıŋ qataryna qosu üşın bar küş-jıgerımdı jūmsaimyn — Toqaev

Prezident Qasym-Jomart Toqaev Qytaidyŋ CCTV telearnasyna sūqbat berdı, dep habarlaidy «Adyrna» tılşısı. Memleket basşysy äŋgımelesu barysynda el basqaru filosofiiasyna toqtalyp, Qazaqstannyŋ damuy men güldenuıne bar küşın salatynyn atap öttı. «Men elımnıŋ Euraziia qūrlyǧynda jürıp jatqan üderısterdıŋ ortasynda bolǧanyn qalaimyn. Qazaqstan älemnıŋ osy bölıgındegı sauda joldary men halyqaralyq qatynastardy retteude asa maŋyzdy röl atqarady. Qazaqstannyŋ bolaşaǧy jarqyn bolatynyna senımdımın. Sol sebeptı elımdı ekonomikasy damyǧan, ozyq elderdıŋ qataryna qosu üşın bar küş-jıgerımdı jūmsaimyn. Qazaqstan osyndai syrtqy saiasat ūstansa, tabysqa jetedı. Beibıtşılıktı jaqtau, barlyq elmen tiımdı dostyq qatynasta bolu bızdıŋ tarihi taǧdyrymyzǧa jazylǧan. Eŋ aldymen, körşıles eldermen aradaǧy dostyǧymyzǧa basa män beremız. Būl rette Qytai asa maŋyzdy röl atqarady»,—dedı ol.