Qytaidyŋ Bılım almasu qyzmet körsetu ortalyǧy şeteldık universitetterdıŋ diplomdaryn resmi türde tanu tızımın jaŋartyp, 270 oqu ornyn alyp tastady, dep habarlaidy "Adyrna" ūlttyq portaly.
Jergılıktı BAQ deregınşe, kei şeteldık JOO tülekterı diplomdaryn Qytaida tırkei almaidy. Al diplomdy tırkeu keibır memlekettık qyzmetterge emtihan tapsyru, räsımdeu nemese belgılı bır lauazymdarǧa jūmysqa ornalasu üşın qajet.
BAQKO öz şeşımın oqu oryndarynyŋ sapasyn tekseretın josparly audit qorytyndysyna bailanystyrdy. Tızımnen şyǧarylǧan oqu oryndarynyŋ keibırı derekterdı jetkızbegen, keibırı jūmysyn toqtatqan nemese talaptarǧa sai emes dep tanylǧan.
Sonymen qatar, 606 jaŋa universitet tızımge engızıldı. Özgerıster eŋ köp äser etken elder qatarynda AQŞ bar. Onda 63 universitet tızımnen şyqqan. Oŋtüstık Koreiadan 15, Reseiden 11 oqu orny tanyludan alyndy.
