Қазақстанның АҚШ-тағы елшісі Ержан Ашықбаев Астана әкімінің бұрынғы орынбасары Қанат Сұлтанбеков туралы айтты, - деп хабарлайды "Адырна" порталы Tengrinews-ке сілтеп.
Журналист LRT құрылысы кезінде қаржы жымқырды деген айып тағылған Астана әкімінің бұрынғы орынбасары Қанат Сұлтанбековтің неге Нью-Йоркте тұрып жатқанын және әлі ұсталмағанын сұрады.
"Сұрақ, дұрысы, біздің америкалық әріптестерімізге де қойылуы керек. Екі ел арасында белгілі бір құқықтық тетіктер бар және осы келісімде көрсетілген барлық қажетті шартты сақтау қажет. Олар, әрине, кінәлі адамдарды жауапқа тартуға мүмкіндік береді. Кінәлі, баса айтамын. Қалғаны құқық қорғау органдарының жұмысы", - деді Ашықбаев сұхбатында.
