Қазақстан ресми түрде 2024 жылғы Париж қаласында өтетін жазғы Олимпиялық ойындарға қатысуға шақырту алды. Бұл туралы Мәдениет және спорт министрлігі мәлімдеді, деп хабарлайды “Адырна” ұлттық порталы.
Мәдениет және спорт министрлігі Қазақстан Париждегі XXXIII жазғы Олимпиадаға ресми түрде шақыру алғанын хабарлайды. Ресми құжатты халықаралық Олимпиада комитеті Қазақстан Республикасының Ұлттық олимпиада комитетіне жолдады, – делінген хабарламада.
Ал Олимпиялық ойындар 2024 жылы 26 шілде мен 11 тамыз аралығында өтеді.
