«الماتىەلەكتروترانس» كومپانياسىنىڭ بۇرىنعى باس ديرەكتورى بەكمىرزا يگەنبەردينوۆ بەس جىلعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى.
«يگەنبەردينوۆ بەكمىرزا قايىرگەلدىۇلى قازاقستان رەسپۋبليكاسى قىلمىستىق كودەكسىنىڭ 24-بابىنىڭ 3-بولىگى، 190-بابىنىڭ 4-بولىگى، 2-تارماعىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان وسى باپ بويىنشا بەس جىلعا باس بوستاندىعىنان ايىرۋ تۇرىندەگى جازا تاعايىندالدى. ونىمەن قوسا وعان مەملەكەتتىك قىزمەتتە، سۋديالاردا، جەرگىلىكتى ءوزىن-ءوزى باسقارۋ ورگاندارىندا، قازاقستان رەسپۋبليكاسىنىڭ ۇلتتىق بانكىندە جانە ونىڭ ۆەدومستۆولارىندا، قارجى نارىعىن جانە قارجى ۇيىمدارىن رەتتەۋ، باقىلاۋ جانە قاداعالاۋ جونىندەگى ۋاكىلەتتى ورگاندا، مەملەكەتتىك ورگانداردا لاۋازىمداردى اتقارۋعا ءومىر بويىنا تىيىم سالۋ ۇكىمى جاريالاندى»، - دەلىنگەن سوت ۇكىمىندە.
يگەنبەردينوۆكە 160 مىڭ اقش دوللارى كولەمىندە پارا الدى دەگەن ايىپ تاعىلدى.
ەسكە سالايىق، 2022 جىلدىڭ 10 قازانىندا بەكمىرزا يگەنبەردينوۆ 2022 جىلدىڭ 30 قاراشاسىنا دەيىن قاماۋعا الىنعان بولاتىن.
