تۇركىستان وبلىسى بايدىبەك اۋدانىندا 8-سىنىپ وقۋشىسىنىڭ 2-سىنىپتا وقيتىن قىزدى زورلاعانى تۋرالى اقپارات تارادى، دەپ حابارلايدى «ادىرنا» ءتىلشىسى.
Facebook قولدانۋشىسى نۇرسۇلتان توشاەۆتىڭ ايتۋىنشا، وقيعا 7 ماۋسىم كۇنى بولعان.
«وتكەن اپتادا 8-سىنىپتىڭ وقۋشىسى 2-سىنىپتا وقيتىن قىز بالانى سۇڭگى وزەنىنىڭ جاعالاۋىنا اپارىپ زورلاپ، نامىسىنا تيگەن دەگەن دەرەك شىقتى. قازىر قىلمىستىق ىسكە ساراپتاما جاسالىپ، قورىتىندىسى شىقتى دەگەن اقپارات بار»،—دەدى ول.
تۇركىستان وبلىسىنىڭ پوليتسيا دەپارتامەنتى زورلىق وقيعاسى بويىنشا كۇدىكتى رەتىندە كامەلەتكە تولماعان بالا ۇستالعانىن مالىمدەدى.
«كۇدىكتى ۋاقىتشا ۇستاۋ يزولياتورىنا قاماۋعا الىندى. قازىر پوليتسيا بارلىق جاعدايلاردى انىقتاۋعا باعىتتالعان قاجەتتى جەدەل تەرگەۋ ءىس-شارالارىن جالعاستىرىپ جاتىر. ءىس دەپارتامەنت باسشىلىعىنىڭ باقىلاۋىندا»،—دەدى پد ءباسپاسوز قىزمەتى.
