بۋرابايداعى قوناق ۇيلەردىڭ بىرىنەن ءورت شىقتى. بۇل تۋرالى تجم ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، بۋراباي كەنتىندەگى ءورت تۋرالى حابارلاما بۇگىن ساعات 11:59-دا تۇسكەن. ءورت ءۇش قاباتتى «الماتى» قوناق ءۇيىنىڭ سەرۆەر بولمەسىنەن شىعىپتى.
ءورت سوندىرۋشىلەر ءۇش تىزە باسپالداقتىڭ كومەگىمەن 6 ادامدى قۇتقارىپ، 100 ادامدى، ونىڭ ىشىندە 25 بالانى ەۆاكۋاتسيالادى. زارداپ شەككەندەر جوق، - دەلىنگەن حابارلامادا.
ءورت ساعات 13:00-دە تولىعىمەن ءوشىرىلدى. ءتىلسىز جاۋ 4 شارشى مەتر اۋماقتى شارپىدى.
