Қарағандыда жаппай уланған балалардың жағдайы белгілі болды, деп хабарлайды “Адырна”.
Облыс әкімдігі Қарағанды облысының Әлеуметтік қызмет көрсету орталығында уланып, ауруханаға түскен балалардың жағдайы туралы хабарлады.
“Бүгінгі таңда алты бала жансақтау бөлімінде жатыр, олардың жағдайы тұрақты және ауыр. Барлығы тоғыз науқас, екеуі балалар ауруханасында жансақтау бөлімінде, қалған жетеуі облыстық клиникалық аурухананың инфекциялық бөлімшесінде жатыр. Үш бала үйден шығады деп күтілуде” - делінген хабарламада.
Айта кетейік, 30-31 шілдеде Қарағанды облысындағы мүмкіндігі шектеулі балаларға арнаулы әлеуметтік қызмет көрсету орталығында жаппай улану фактісі тіркелген болатын.
