2023 жылдың басынан бері мемлекеттік сатып алулар бойынша лауазымды тұлғалардың 245 млрд теңгеге мерзімін кешіктірген актілері анықталды, деп хабарлайды “Адырна” ұлттық порталы KazTAG-қа сілтеме жасап.
«Талдау көрсеткендей, 2023 қаржы жылында жалпы сомасы 245,1 млрд теңгеге мерзімі өтіп кеткен 19 670 электрондық акт анықталды, орташа кешіктіру 24 күнді құрап отыр», - делінген хабарламада.
“Атамекен” ҰКП «Әділдік жолы»-мен бірлесіп тапсырыс берушілер электронды актілерге уақтылы қол қою бөлігінде мемлекеттік сатып алу мониторингінің нәтижелерін Қаржы министрлігіне ұсынған.
«Электрондық актіге уақтылы қол қоймау тапсырыс берушінің келісім-шарт бойынша өз міндеттемелерін орындамауы болып табылады және өз кезегінде кәсіпкерлер үшін қолма-қол ақшаның жетіспеушілігі тәуекелдеріне әкеледі. Ал бұл салықты уақтылы төлеу, несиені қайтару мерзімін бұзу, жалақыны төлемеу және т.б.», - деді «Атамекен» ҰКП Реттелмелі сатып алулар департаментінің басқарушы директоры-директоры Руслан Шоқаев.
Ұлттық палатаның баспасөз мәліметінше, «Сатып алудың бірыңғай терезесі» порталы Қазақстанның бес ірі сауда алаңындағы ақпаратпен бір уақытта жұмыс істеуге арналған.
«Тіркеу кезінде еліміздің барлық мемлекеттік мекемелерінің, жер қойнауын пайдаланушылардың, ұлттық компаниялардың, даму институттарының және ауыл шаруашылығы секторының сатып алу жоспарларын көруге болады. Бұл әлеуетті жеткізушілерді тендерлерге қатысуға дайындау мақсатында тауарлар, жұмыстар мен қызметтер нарығын уақтылы бағалауға ықпал етеді», - деп толықтырды ҰКП.
