جەلىدە گۇل ۇرلاپ، ساتۋشىنى جىققان ءتارتىپ بۇزۋشىلاردىڭ باسشىسى كەشىرىم سۇراپ جاتقانى تۋرالى ۆيدەو پايدا بولدى. بىراق كەشىرىم سۇراعان ەر ادامدى ەشكىم تانىمادى، دەپ حابارلايدى “ادىرنا” ۇلتتىق پورتالى ZTB.KZ رەداكتسياسىنا سىلتەمە جاساپ.
دۇكەندەر جەلىسىنىڭ باسشىسى وسى وقيعالاردىڭ بارلىعىن ءادىل تەكسەرۋدى تالاپ ەتىپ، قالالىق پوليتسياعا جۇگىنۋدە.
ايتا كەتەيىك، جەلىدە شىمكەنتتەگى گۇل ساتاتىن دۇكەندەردىڭ بىرىنە ماس كۇيدەگى ءۇش جىگىتتىڭ قالاي كىرىپ كەتكەنى جانە ولاردىڭ ءبىرى ساتۋشىعا قايشى لاقتىرىپ، بالاعات سوزدەر ايتقان ۆيدەوسى تاراعان ەدى.
دۇكەن قوجايىندارىنىڭ ايتۋىنشا، باستى كىنالى - “پروكۋروردىڭ ۇلى”. دەگەنمەن، دەپارتامەنت بۇل اقپاراتتى جوققا شىعاردى. بىراق دۇكەن اكىمشىلىگى ءتارتىپ بۇزۋشىنىڭ «كرىشاسى» بار ەكەنىنە سەنىمدى. زارداپ شەككەن تاراپ ايتقانداي، سوندىقتان پوليتسەيلەر ءوز مىندەتتەرىن ورىنداماي وتىر.
