تەكەلى قالاسىندا 2 ماۋسىم كۇنى اۋەزوۆ-گاگارين كوشەلەرىنىڭ قيىلىسىندا جەدەل جاردەم كولىگى جەڭىل كولىكپەن سوقتىعىسىپ، اۋدارىلىپ قالدى. بۇل تۋرالى پوليتسيا دەپارتامەنتى جازدى، دەپ حابارلايدى “ادىرنا”.
جەلىدە تاراعان بەينەكادرلارعا قاراعاندا، جول-كولىك وقيعاسى كەزىندە جەدەل جاردەم كولىگىنىڭ جارىق دابىل شامدارى قوسۋلى بولعان.
وقىس وقيعا كەشە تۇندە بولعان. جەڭىل كولىكپەن سوقتىعىسقان جەدەل جاردەم اۋدارىلىپ، زارداپ شەككەن ءتورت ادام اۋرۋحاناعا جەتكىزىلىپتى. وبلىستىق دەنساۋلىق ساقتاۋ باسقارماسىنىڭ اقپارىنشا، ءبىر ازاماتقا العاشقى كومەك كورسەتىلىپ، ۇيىنە قايتارىلعان، ال تاعى 3 ادام حيرۋرگيا بولىمشەسىندە ەم الىپ جاتىر. ناۋقاستاردىڭ جاعدايى ورتاشا اۋىر دەپ باعالاندى. ال جول اپاتى كەزىندە جەدەل جاردەم كولىگىنىڭ ىشىندە ەس-ءتۇسسىز جاتقان 87 جاستاعى ايەل ادام قازا بولعان. وقيعانىڭ ءمان-جايى انىقتالىپ، قىلمىستىق ءىس قوزعالدى.
«قازىر وقيعانىڭ بارلىق ءمان-جايىن انىقتاۋعا باعىتتالعان تەرگەۋ شارالارى جۇرگىزىلىپ جاتىر»، – دەلىنگەن پد ءباسپاسوز قىزمەتى تاراتقان مالىمەتتە.
ۇقساس جاڭالىقتار
