ماڭعىستاۋ وبلىسىنىڭ جاڭاوزەن قالاسىندا جول-كولىك وقيعاسى تىركەلدى. جۇرگىزۋشى كۋالىگى جوق ازاماتتىڭ كەسىرىنەن بولعان اپات سالدارىنان بىرنەشە ادام اۋرۋحاناعا جەتكىزىلدى، دەپ حابارلايدى “ادىرنا”.
جول اپاتى جاڭاوزەندەگى وندىرىستىك جەردە، اساۋ باراق كوشەسىندەگى «Hyundai» اۆتو ورتالىعىنىڭ ماڭىندا بولعان. الدىن الا مالىمەتتەر بويىنشا، قاقتىعىسقا باسىپ وزۋ ارەكەتى سەبەپ بولعان.
Chevrolet Cobalt جانە Toyota Hilux كولىكتەرى سوقتىعىسقان.
“Chevrolet ماركالى كولىكتىڭ جۇرگىزۋشىسى باسىپ وزۋعا تىرىسىپ، قارسى باعىتتاعى كولىككە سوعىلعان.
تەكسەرۋ بارىسىندا Chevrolet Cobalt كولىگىن تىزگىندەگەن ازاماتتىڭ جۇرگىزۋشى كۋالىگى جوق ەكەنى انىقتالدى”، دەلىنگەن حابارلامادا.
اپات سالدارىنان ءتورت ادام مەديتسينالىق كومەككە جۇگىندى.
Chevrolet Cobalt كولىگىنىڭ جۇرگىزۋشىسى مەن ەكى جولاۋشىسى ءتۇرلى دەنە جاراقاتتارىمەن تراۆماتولوگيا جانە جانساقتاۋ بولىمدەرىنە جاتقىزىلدى.
Toyota Hilux كولىگىندە بولعان ءبىر جولاۋشى دارىگەرلىك تەكسەرىستەن كەيىن ۇيىنە قايتتى.
قازىرگى ۋاقىتتا پوليتسيا وقيعانىڭ ءمان-جايىن انىقتاۋ ءۇشىن قوسىمشا تەكسەرۋ جۇمىستارىن جۇرگىزىپ جاتىر.
