پاۆلودار وبلىسى اكىمىنىڭ ورىنباسارى سەرىك باتىرعوجينوۆ جول اپاتىنا ءتۇستى. كerek.pv تەلەگرام-ارناسىنىڭ مالىمەتىنشە، باتىرعوجينوۆ قۇتقارۋشىلار اپاتىنىڭ سەبەپتەرىن انىقتاۋ جونىندەگى كوميسسيا قۇرامىندا مايقايىڭنان پاۆلودارعا قايتىپ كەلە جاتقان، دەپ حابارلايدى “ادىرنا” ۇلتتىق پورتالى.
مالىمەت بويىنشا، باتىرعوجينوۆ مىنگەن كولىك جول جيەگىنە شىعىپ كەتكەن. جۇرگىزۋشى زارداپ شەكپەگەن، بىراق اكىمنىڭ ورىنباسارى جاراقات العان، مەديتسينالىق كومەككە جۇگىنگەن.
اپات تۋرالى اقپاراتتى پاۆلودار وبلىسىنىڭ اكىمدىگى راستادى. وقيعا 8 قاڭتاردا كەشكە مايقايىڭ اۋىلىنان پاۆلودارعا باراتىن جولدا بولعان.
"وبلىس اكىمىنىڭ ورىنباسارى سەرىك باتىرعوجينوۆ شىنىندا جول اپاتىنا ۇشىرادى. باسقا كولىكتەر بولماعان جانە زارداپ شەككەن جوق. ورىنباساردىڭ كولىگى جول جيەگىنە شىعىپ كەتكەن، سەرىك باتىرعوجينوۆتىڭ ءوزى جەڭىل جاراقات العان، جاعدايى تۇراقتى", - دەلىنگەن حابارلامادا.
