Tekelı qalasynda 2 mausym künı Äuezov-Gagarin köşelerınıŋ qiylysynda jedel järdem kölıgı jeŋıl kölıkpen soqtyǧysyp, audarylyp qaldy. Būl turaly polisiia departamentı jazdy, dep habarlaidy “Adyrna”.
Jelıde taraǧan beinekadrlarǧa qaraǧanda, jol-kölık oqiǧasy kezınde jedel järdem kölıgınıŋ jaryq dabyl şamdary qosuly bolǧan.
Oqys oqiǧa keşe tünde bolǧan. Jeŋıl kölıkpen soqtyǧysqan jedel järdem audarylyp, zardap şekken tört adam auruhanaǧa jetkızılıptı. Oblystyq densaulyq saqtau basqarmasynyŋ aqparynşa, bır azamatqa alǧaşqy kömek körsetılıp, üiıne qaitarylǧan, al taǧy 3 adam hirurgiia bölımşesınde em alyp jatyr. Nauqastardyŋ jaǧdaiy ortaşa auyr dep baǧalandy. Al jol apaty kezınde jedel järdem kölıgınıŋ ışınde es-tüssız jatqan 87 jastaǧy äiel adam qaza bolǧan. Oqiǧanyŋ män-jaiy anyqtalyp, qylmystyq ıs qozǧaldy.
«Qazır oqiǧanyŋ barlyq män-jaiyn anyqtauǧa baǧyttalǧan tergeu şaralary jürgızılıp jatyr», – delıngen PD baspasöz qyzmetı taratqan mälımette.
Ūqsas jaŋalyqtar
