12 ادام وپات بولدى قارا جولدا. بۇگىن جول اپاتىنان وسىنشا ادام قىرىلىپ قالدى. اقتوبە وبلىسىندا. گازەل جولاۋشىلار كولىگىنە DAF جۇك كولىگى قارسى بەتكە شىعىپ سوعىلعان دەيدى.
ەكى كولىكتىڭ جۇرگىزۋشىلەرى جانە 10 جولاۋشى مەرت بولىپتى. ايدىڭ-كۇننىڭ امانىندا، سوعىسسىز قىرىلىپ قالۋ دەگەن وسى.
ۇكىمەتباسى تاپسىرما بەرىپتى، وبلىس اكىمى بارىپتى، كوميسسيا قۇرىلىپتى. ودان ەشنارسە وزگەرمەيدى. بەس كۇننەن كەيىن باياعى تاز كەپەشىن كيەدى...
بىزدە بۇرىننان سول: قويدى قاسقىرعا بەرىپ قورا جاسايمىز. جولاۋشىلار ولگەن سوڭ عانا جولعا پوليتسەيلەر شىعىپ رەيد جۇرگىزگەن بولادى بەس كۇن، سودان كەيىن ءبارى ساپ تىيىلادى.
جالپى جولاۋشىلار كولىگى مەن اۋىر جۇك كولىكتەرىنە ارنايى زاڭ كەرەك! جۇرگىزۋشىلەردىڭ كۇندەلىكتى دەمالىسىن، جولداعى ۋاقىتىن قاداعالايتىن JPS سياقتى باقىلاۋشى جۇيە ورناتۋ قاجەت. كۇنىنە جۇرەتىن قاشىقتىق پەن جولعا شىعاتىن، توقتايتىن ۋاقىتتارىنىڭ ءبارى قاداعالانىپ وتىرۋى شارت!
ۇيقىسى قانباي جولعا شىققان جۇرگىزۋشىلەردى 15 تاۋلىككە قاماپ، ال ءىشىپ ۇستالعانداردى 7 جىل كۋالىكتەن ايىرىپ، جول اپاتىن جاساعانداردى جازاسىنىڭ اۋىرلىعىنا قاراي 7 جىلدان 15 جىلعا دەيىن تەمىر توردا توزدىرۋ كەرەك!
ويتكەنى ول - قىلمىسكەر، كولىكپەن قاعىپ ولتىرسە دە، پىشاق سۇعىپ، مىلتىقپەن اتىپ ولتىرسە دە، ول ادام ءولتىرىپ وتىر. وزگەنىڭ ءومىرىن ويلامايتىن ونداي يتتەردىڭ جازاسى تۇرمە!
ءوزىم تانيتىن دەپۋتاتتارعا دا وسى تۋرالى بىرنەشە رەت ايتقام شىرىلداپ، بۇلاردىڭ جازاسى اۋىر بولۋ كەرەك دەپ. مۇرىندارىمەن تىڭدادى. باستارىنا تيمەي تۇسىنبەيدى ولار.
بيىل قارا جول قازاققا اۋىر ءتيىپ تۇر.
