ەكاتەرينبۋرگ — سوچي باعىتىندا ۇشقان Boeing-777 ۇشاعىنىڭ جولاۋشىسى اۋەدە ءوزىن جايسىز سەزىنىپ، سول جەردە كوز جۇمعان. ونىڭ 42 جاستاعى ايەل ەكەنى بەلگىلى بولدى. بۇل تۋرالى ءاليا مولداعۇلوۆا حالىقارالىق اۋەجايى رەسمي پاراقشاسىندا جازدى، دەپ حابارلايدى “ادىرنا”.
اۋەجاي ۇجىمى قازا بولعان جولاۋشىنىڭ تۋىستارى مەن جاقىندارىنا كوڭىل ايتتى.
“ۇشاق جەرگە قونعان كەزدە شۇعىل ارەكەت ەتۋ قىزمەتى مەن جەدەل جاردەم بريگاداسى
جەتتى. وكىنىشكە قاراي جولاۋشىنى امان الىپ قالۋ مۇمكىن بولمادى. 1983 جىلى تۋعان جولاۋشى ۇشاق اقتوبە اۋەجايىنا قونباي تۇرىپ كوز جۇمعان. اقتوبە حالىقارالىق اۋەجايى جولاۋشىنىڭ تۋىستارى مەن جاقىندارىنا كوڭىل ايتادى. جەردەگى قىزمەتپەن بايلانىسقا شىعىپ، بىرگە جۇمىس ىستەگەن اۋە كەمەسىنىڭ ەكيپاجىنا العىسىمىزدى ايتامىز”، — دەپ حابارلادى ءاليا مولداعۇلوۆا حالىقارالىق اۋەجايى.
