اقتوبە وبلىسىندا تاعى ءبىر بالا توپان سۋعا باتىپ كەتتى، - دەپ حابارلايدى "ادىرنا" ۇلتتىق پورتالى.
قايعىلى وقيعا ايتەكە بي اۋدانى، بەلقوپا اۋىلىندا بولدى. اۋىلدىق وكرۋگ اكىمى كەڭشىلىك بايدراحمانوۆتىڭ ايتۋىنشا، 2 ءساۋىر كۇنى ساباقتان كەيىن ءتورت بالا كوشەدە ويناپ جۇرگەن. وسى كەزدە ولاردىڭ ءبىرى ەرىگەن سۋعا ءتۇسىپ، بالا تۇنشىعىپ، قايتىس بولدى. كومەككە ەرەسەكتەر كەلگەنىندە، ءبارى كەش بولعان.
بالا 10 جاستا بولدى، جەرگىلىكتى مەكتەپ مۇعالىمىنىڭ وتباسىنداعى تۇڭعىشى.
«وتاعاسى مەكتەپتە كۇزەتشى بولىپ جۇمىس ىستەيدى، جۇبايى ەكەۋى تاعى ەكى قىزدى تاربيەلەپ وتىر. ۇجىم وتباسىنا كومەك كورسەتۋدە»، - دەپ حابارلادى اۋىل اكىمدىگى.
ەستەرىڭىزگە سالا كەتەيىك، 23 ناۋرىز كۇنى ساعات 13:00 شاماسىندا اقتوبە وبلىسىنىڭ ەبەيتى اۋىلىندا 4 جاسار بالا ەرىگەن سۋعا باتىپ كەتكەن بولاتىن.
