ەكاتەرينبۋرگ-الماتى تراسساسىندا جول اپاتى بولىپ، ءتورت ادام قازا تاپتى، دەپ حابارلايدى «ادىرنا» ءتىلشىسى.
اقمولا وبلىستىق پوليتسيا دەپارتامەنتىنىڭ مالىمەتىنشە، قايعىلى وقيعا 16 شىلدە كۇنى بولعان.
«Chery جانە Nissan Patrol ماركالى كولىكتەر سوقتىعىسقان. جول اپاتى سالدارىنان ءۇش ادام وقيعا ورنىندا قازا تاپتى، تاعى تورتەۋى ءارتۇرلى دەنە جاراقاتتارىمەن اۋرۋحاناعا جەتكىزىلدى»،—دەلىنگەن حابارلامادا.
كەيىن Chery Tiggo جۇرگىزۋشىسىنىڭ العان جاراقاتتارىنان استانا قالالىق اۋرۋحاناسىندا كوز جۇمعانى انىقتالدى.
قازىر بۇل فاكتىگە قاتىستى سوتقا دەيىنگى تەرگەۋ جۇرگىزىلىپ جاتىر. تەرگەۋ ناتيجەسىنە قاراي پروتسەسسۋالدىق شەشىم قابىلدانادى.
پوليتسيا دەپارتامەنتى مۇنداي اپاتتاردىڭ الدىن الۋ ءۇشىن جول قوزعالىسىنا قاتىسۋشىلاردىڭ، اسىرەسە، كولىك كوپ جۇرەتىن جەرلەردە جىلدامدىق ساقتاۋ، كولىكتىڭ تەحنيكالىق جاعدايىن قاداعالاۋ ماڭىزدى ەكەنىن ەسكە سالادى.
