15 تامىزدا اقتوبە وبلىسىندا جانتۇرشىگەرلىك جول اپاتىنان 4 ادام قازا تاپتى، دەپ حابارلايدى «ادىرنا» ءتىلشىسى.
«قازاۆتوجول» ۇلتتىق كومپانياسىنىڭ مالىمەتىنشە، قايعىلى وقيعا ساعات شامامەن 14:00-دە ايتەكە بي اۋدانى، بەلقوپا اۋىلى ماڭىندا بولعان. الدىن الا مالىمەتتەر بويىنشا، Toyota Alphard ماركالى جەڭىل اۆتوكولىگى مەن Volvo ماركالى جۇك كولىگى قارسى باعىتتا سوقتىعىسقان.
«وقيعا سالدارىنان ءتورت ادام قازا تاۋىپ، تاعى ءۇش ادام ءارتۇرلى دەنە جاراقاتتارىن الدى. وقيعا بولعان جەردى قاراۋ بارىسىندا جول جامىلعىسىنىڭ اسفالتبەتون ەكەنى، كورىنۋ قاشىقتىعىنىڭ شەكتەلمەگەنى جانە ۋچاسكەنىڭ ءتۇزۋ ەكەنى انىقتالدى. اتالعان ۋچاسكەدە شۇڭقىرلاردى جوندەۋ جۇمىستارى جۇرگىزىلۋدە; جۇمىس جۇرگىزۋ رۇقساتىنا سايكەس ءتيىستى جول بەلگىلەرى ورناتىلعان، سونداي-اق جىلدامدىقتى ساعاتىنا 40 شاقىرىمعا دەيىن شەكتەۋ ەنگىزىلگەن»،—دەلىنگەن حابارلامادا.
